لا استطيع!!

اريد ان اجد نفسي

ان اجد طريقي في الحياه

هل ابحث عنه و عن نفسي في وجوه من حولي؟!!

كيف لي ان اجده وانا لا اجيد النظر في ملامح الاخرين

اتحاشى النظر في الوجوه فكيف بالبحث و التدقيق

انظر فقط في الفراغ الممتد اللا متناهي حولي

فلا استطيع ان ارى ما وراء هذه العيون المشعه بالحب او تلك اللا مباليه

لا استطيع ان ارى الكون من منظوري انا .....نعم لا استطيع

كلام كنت محتاجه اقوله ...يارب تحسوه زيي

معلش يمكن هتكلم كتير بس بجد نفسي تقروا الكلام ده لاني بجد عايزاكوا كلكوا تعرفوه

انا غلطت و كنت فاكره نفسي ماشيه صح و فاهمه كل حاجه

قصرت في حاجات و اتهاونت و مكنتش فاهمه انا بعمل كده ليه

و اللي بيغلط لازم يأخد جزاءه عاجلا ام اجلا

و اني اعيد السنه دي قرصة ودن صغيره عشان افوق

الحمد لله على كل حال و لعله خير محدش عارف الخير فين

يمكن ربنا بيديني فرصه اني اصلح الغلط اللي في حياتي و ارجع اقرب منه تاني

و الحمد لله الرؤيا دلوقتي بدأت توضح و ان شاء الله ربنا يقدرني واعمل الصح

و الايام اللي قضيتها هنا كانت احلى ايام قضيتها معاكوا

و الحمد لله اني عرفت ناس كويسين افتخر اني عرفتهم ناس عايزه تشتغل بجد و عايزه تعيش صح

و طلعت ببنات بجد لو مكنتش دخلت هنا عمري ما كنت عرفتهم

بشكركوا على كل حاجه حلوه عشتها هنا و على كل معلومه استفدت بيها منكوا

بجد الحمد لله استفدت كتير و لولا وجود اخواتي جنبي يمكن مكنتش بقيت كده دلوقتي و عرفت اخد القرار الصح

فعلا حسيتها اوي رب اخ لم تلده امك

وكنت فرحانه اوي وانا حاسه انهم خايفين عليه و زعلانين يمكن اكتر مني

انا طبعا دلوقتي مبقتش فرد من الدفعه انا بقيت زائره هنا

بس ان شاء الله مش هسيب البلوج بعد اذنكوا ولا المنتدى و هفضل متبعاهم

بس قبل كده كنت بستنى عشان يمكن اقدر افيد حد في الدراسه

لكن دلوقتي معدش في ايدي حاجه ممكن افيد بيها

و في المجالات التانيه في ناس كتير هنا احسن مني و يعرفوا حاجات انا معرفهاش

ربنا يوفقكوا كلكوا و ينور لكل واحد الطريق الصح اللي يمشي فيه و هوه راضي عنه

و الف مبروك لكل اللي نجحوا و بجد من قلبي فرحانه ليكوا اوي

واللي لسه معرفش نتيجته ربنا يطمنه عليها ان شاء الله

انا اتكلمت كتير بس اخر كلمه عايزه اقولها لاخواتي البنات

يمكن يكون فيه ناس محستش اني بحبها لاني بجد مبعرفش اعبر كويس لكن لازم تعرفوا كلكوا اني بحبكوا و في الاوقات اللي كنت مش بسلم عليكوا فيها كنت بطمن عليكوا من بعيد

وحتى لو بعدت عنكوا و مقدرتش اجي اشوفكوا واسلم عليكوا انا عمري ما هنساكوا

كل ذكرى بينا هتفضل عايشه معايا و مونساني في بعدي ويارب متنسونيش زي ما انا مش هنساكوا

مش معنى كده ان لو حد شافني ميسلمش عليه لا طبعا هنسلم على بعض

وان شاء الله هبقى اجي اغلس عليكوا شويه ما انا هبقى فاضيه بقى املى الفراغ اللي هيبقى موجود :)

سلام يا أحلى دفعه

I will miss all of you

_____________

Wild Flower

Feel So Guilty ................ سيئة الظن ؟؟؟؟؟

السلام عليكم ورحمة الله وبركاته

بقالى كتيـــــــــــــــــــــر ماكتبتش فى البلوج ده قولت اريحكم منى ^_^.......... اللى فكرنى بيه بقى حظى السئ
او ممكن سلوك سئ حاولت كتيير استغنى عنه واتخلص منه ماقدرتش وفى البيت بيقولوا
لو بس استغنيتى عن العصبية دى هاتكونى احسن
كتير بيحاولوا يداروا عيوبهم لكن انا مش فارقة معايا اداريها ليه
مهما كانت عيوبى وصفاتى الكويسة او الغير .. بيشكلونى
ومافيش حد خالى من العيوب مافيش حد واصل لدرجة المثالية فى تعاملاته اه بيحاولوا
طبعا باستثناء الرسول عليه الصلاة والسلام ........... طبعا من العنوان واضح اقصد انهى صفة
اتقال عليها سوء الظن ........... وكتبتها فى العنوان مش عاوزة اخالف فى الراى
لانى اتعودت اعرف عيوبى من غيرى
لكن لو غيرى مش فاهمنى او مقتنعة انه مش فاهمنى ممكن اسمع منه صفة فيا ؟؟
وادور فى احتمالات صحتها مع العلم ان تقريبا مافيش الا اتنين اللى قالوا كدة لكن ده ماينفيش وجودها .......
على حسب الظروف اللى اتقال فيها كدة او اللى خلت غيرى يقول كدة وقت اكون فيه متنرفزة وعصبية
طبعا دى صفة وفى صفة غيرها بيتقال عليها التسرع
الاتنين دول مع بعض كفاية انهم يدمروا الشخص اللى هم فيه ........ طبعا وقت النرفزة اى بنى ادم
ممكن مايكونش شايف الامور صح مش شايفها على حقيقتها او شايفها من منظور مختلف خالص
وهنا تيجى نقطة التسرع ويصدر احكام وقرارات وحاجات كدة ليكم انكم تتخيلوها
انا طبعا بشفق على الشخص ده ..... اللى هو انا وبلا فخر اكيد يعنى
ممكن يخفف شوية موضوع الاسف والاعتذارات لكن بردو بتسيب اثر فى اللى قدامه
وهنا بقى تيجى نقطة اللى قدامه دى وهى الناس اللى بيتعامل معاهم المقربين ودول بجد ربنا فى عونهم
والناس اللى مش على صلة قوية دول اللى ممكن تخسر حاجات من خلال المعاملة دى معاهم حاجات كتير بجد
بالنسبة لى مش بعتبرها سوء ظن نهائى لان سوء الظن بيبقى فى كل حالات الانسان هادى متعصب
فى كل اوقاته مش فارقة معاه
انما لما يكون وقت نرفزة دى بتكون نتيجة لانه كان شايف الامور من وجهة نظر تانية
او بمنظور مختلف وبعدين الموضوع راح لحاله
نرجع لحكاية الناس اللى حوالين الشخص ده ومعاملتهم ليه
عندى فى البيت بيقولوا اكيد انى فى الكلية الناس كارهة التعامل معايا
مع ان بالعكس الحمد لله عندى اصحاب كتير ولو اتسال عنى فى الكلية يتسمع كلام غير خالص طب ليه ده بقى ؟؟؟
لانى بفرق بين اللى بيستحملنى وعارفنى وعارف ايه صفاتى وممكن اتعامل معاه بحريتى وبين غيره

على قد ماهى صفة مش مستحبة..... على قد ماهى بجد بتعرفنى على اللى حواليا اللى بيحبونى بجد
ومش منتظرين منى الحلو بس بيستحملونى فى وقت تهييسى ووقت نرفزتى ممكن اعتمد عليهم
وثقتى فيهم بتزيد وعلشانهم بس بحاول انى اقلل من موضوع العصبية ده
مش علشان ناس مش هاممها حالتى ايه او ظروفى ايه وقت مااكون متنرفزة
عاوزانى على طول فريش بهرج وبهظر والكلام ده
دول اللى بجد لما بحس بضيق فى وسطهم بحاول على قد مااقدر ابعد عنهم وافصل نفسى عنهم
فى لحظتها والا هاخسرهم وفى اوقات بتضطرنى انى اكون موجودة فى وسطهم
هنا وتيجى الازمة بس الحمد لله ربنا بيسترها
لانه اعلم بحالى ........ دلوقتى اللى خلانى اكتب ده
ممكن اكون عاوزة اثبت لنفسى ان تبريراتى دى صح ولاحظوا انى بقول عليها تبريرات
لانها فى الاول والاخر صفة زيها زى غيرها ليها احتمالات التخلص منها لكن دى مختلفة عن اى صفة
اللى يتخلى عنها ليه الجنة ودى لصعوبة التخلى عنها وفى النهاية

http://majdah.maktoob.com/vb/majdah9942/
http://www.saaid.net/rasael/353.htm

فى امان الله ......... Mirage

التعايش مع الذكريات

اول موضوع ليه على المدونه
يمكن يكون غريب و افكاره مش مرتبه و يمكن محدش يرد خالص

بس حبيت اكتبه و خلاص

موضوع بيري الجديد في المدونه بتاعتهم (أحلى اصحاب) خلاني افكر في الموضوع ده

الذكريات دي اجمل حاجه في الدنيا

هيا اللي بتصبرنا على الفراق و البعد عن الناس اللي بنحبهم

فيه مشكله ممكن تكون عندي انا بس مش عارفه

اني ساعات موضوع الذكريات ده بيتطور معايا لدرجة اني بعيش معاها هيه بس

يعني بيبقى بايدي اني اكسر حاجز البعد ده بس مش عارفه ليه بحب اعيش مع الذكريات الجميله

اعيش مع التفاصيل و الاماكن و كأن الاشخاص دول لسه حوليه و معايا و لسه عايشين في نفس الفتره اللي وقفت فيها الذكريات

يمكن خوف ان الشخصيه اللي ليها ذكريات معايا دي تكون اتغيرت سواء في التصرفات او الافكار او حتى عاطفتها نحيتي

بخاف اوي اكلم مثلا واحده صحبتي لانها وحشاني القيني مش هماها زي ما هيه هماني

اشوف واحده مشفتهاش من زمان و وحشاني اوي مرضاش اسلم عليها افرضي طلعت مش فكراني اصلا يبقى ساعتها منظري ايه

يعني حاجات كده بتخليني اعيش مع ذكرياتي بس و الغريب انها ساعات بتغني عن اني اعيش مع الاشخاص دي في الحقيقه او اتكلم معاهم

ممكن كمان ارسملهم حياه وهميه من دماغي زي ما انا عايزاها تكون و ابقى فرحانه بيها اوي

في حاله تانيه خوف مثلا ان الحد اللي بحبه اوي ده يكون شخصيه تانيه متمشيش مع شخصيتي و معرفش اتعامل معاها

و مع ذلك ساعات بتصدم في بعض شخصيات عرفت شخصيتها الحقيقيه بعد فتره من الاوهام و التخيلات اللي برسمها و مع ذلك برضه مش بعرف ابطل رسم و تخيل

تفتكروا ده ليه هروب من الواقع ولا خوف من نفسي و عدم ثقه فيها و لا عدم ثقه في الاخرين

بفكر كتير في الموضوع ده و نفسي حد يفكر معايا


انا ليه بعمل كده و هل انا لوحدي اللي كده ولا حد بيحصله اللي بيحصلي ده ؟
_______________

Wild Flower

عاشقى اللف والدوران

السلام عليكم ورحمة الله وبركاته

معرفش ليه عندى احساس فظيع انى واخدة البلوج ده لحسابى وعلشان كدة
قررت انى اعمل موضوعين ورا بعض على غير العادة
الاحساس طبعا مش صحيح بالمرة هو بس الموضوع ده اتكرر معايا كذا مرة وخنقنى بجد
واكيد حصل معاكوا فااستاذكوا فى الموضوع ده....

نسيبنا من المقدمة الهبلة دى لان واضح انى بتكلم وبرد على نفسى والتهييس واخد حقه معايا
المهم كان عندى اعتقاد مقتنعة بيه لحد تلات اربع ايام فاتوا ان البنات مش بتحب اللف والدوران
على عكس الولاد مع اعتذارى الشديد لاى ولد يقرا الموضوع ده .. الا انى للاسف اكتشفت ان
فى من البنات اسوء فى حكاية اللف والدوران دى ومن هنا اقدر استنتج
ان اكيد فى ولاد بردو مش بتحب اللف والدوران
هنا بقى اسحب اعتذارى لانى يعتبر رجعت فى كلامى ^_^ بالنسبة ان كل الولاد بتحب اسلوب اللف والدوران


مش هاتكلم عن موقف البنت لانها كانت بتلف وتدور فى فلك موضوع بعيد ماكنش له لازمة
فى الوقت الحالى ومش حاطاه فى دماغى ومش عاوزة الخمكم بيه
لكن لما حد يتكلم بالاسلوب ده معاكى وعارفة هو عاوز ايه وعاوز يعرف ايه
وانتى طبعا مش هاتقدرى تقوليله قصر وهات من الاخر وانا اقولك المفيد واللى عندى
هاتضطرى تجاوبى على اسئلته من سكات وانتى مخنوقة منه
وطبعا انا مش بحب اسلوب الخنقة ده فبوصل بيه لطريق مسدود يااما يقول اللى عنده ويلخص
يااما مش هاياخد اجابة صريحة وكانك ياابو زيد ما غزيت زى مابيقولوا
هو كدة فى ناس تحب توصل لغيرها من الطريق الصعب

علشان كدة اسلوب الصراحة ده بعشقه ايمان قالت
انى توئمها " دبش" فى الكلام وصراحتى زيادة شوية لو الصراحة فى زمنا ده دبش
ايوة بعترف انى كدة معلش اى حد عاوز يقولى حاجة ينتقدنى فى حاجة
يقولها فى وشى مايلفش حوالين الموضوع ويخنقنى معاه والا على مايوصلنى
للى عاوزه منى ممكن يكون ردى عكس اللى كان ممكن اتخذه معاه فى الحالة التانية

اكيد ناس قابلوكم كدة ...... ماعلينا

فى امان الله
" Mirage "

حواء ...لا تنامي أكثر من ذلك ...

السلام عليكم ورحمة الله وبركاته

الموضوع ده لفت نظرى لان النوم شئ مقدس عندى على عكس معظمكم لكن مش معنى كدة انه يكتر وقته
وكمان احنا فى الشتا وحب النوم ده بيبقى موجود كتير اليومين دول
وكمان فى حديث اول مرة اقراه او اعرف معلومته موجود فى نهاية المقال المنقول ده
وده مخصوص لناس قابلتها فى حياتى مش بيناموا الا قليل جدا فاهمنى طبعا هاه

النوم له عند الانسان اهمية خاصة لا يمكنه الاستغناء عنه ابدا. ويرى البعض انه كلما نام اكثر كلما شعر بالراحة اكثر فهذا فهم خاطئ يتبادر الى اذهان كثير من الناس فقد اثبتت الدراسات أن النوم الزائد عن المعدل المحدد له يصيب صاحبه بأمراض خطيرة جدا خاصة امراض القلب والدماغ التي قد تؤدي الى حصول الجلطات والندبات مما يؤدي بعد ذلك الى الوفاة.

فالمعدل السليم للنوم اليومي هو ما بين 7ـ 9 فهي تعطي الانسان نشاطا يوميا مكثفا وهذا ما يخدم الانسان في حياته العملية فكلما زاد على المعدل
اليومي للنوم كلما زاد كسلا وتقاعسا ويرى أنه يحتاج الى النوم أكثر واكثر.
وقد اثبتت دراسات أخرى ان النوم الزائد قد يسبب اضطرابات في الجهاز التنفسي ويضعف القدرة على الحصول على كميات كافية من الاكسجين
فتجده يستيقظ من النوم فيشعر بالتعب والارق.


وقد يتوقع البعض أن الراحة هي في مدة النوم وهذا فهم غير سليم فالراحة لا تأتي من مدة النوم الطويلة أو القصيرة بل تأتي من عمق هذا النوم فمتى ابتعد الانسان عن الاقراص المهدئة والمنومة وابتعد عن المنبهات وحصل له جو معتدل ليس بالبارد ولا الحار فبذلك تحصل له الراحة المطلوبة المستفادة من النوم ومن المنومات الخاطئة التي تحصل كثيرا خاصة في مجتمعنا هي النومات التي تأتي بعد الاكل مباشرة فمثل هذه النومات تتسبب في حصول السمنة وترهل الجسم وهذا أمر يجب معرفته على كل افراد المجتمع فالبعض لا يعطي لهذه الاسباب القدر الكافي للابتعاد عنها فيقع فيها من غير انتباه. اما النوم الصحي فيجب أن يتحقق فيه ثلاثة شروط أولها الراحة الجسدية وثانيها الراحة العاطفية والاخيرة هي الراحة الفكرية فمتى تمت هذه الشروط الثلاثة فانها تجذب للانسان النوم الصحي الملائم لجسمه فان هناك في جسم الانسان هرمون (السيروتونين) الذي يتولى مهمة تنويم جسم الانسان والعجيب في الهرمون انه يزداد افرازه في الظلام فهو يعتمد على درجة الاضاءة المحيطة بجسم الانسان قال تعالى( وجعلنا نومكم سباتا وجعلنا الليل لباسا وجعلنا النهار معاشا).
فالنوم الطبيعي لا يكون الا في الليل. أما عن نوم القيلولة فمتى شعرت بالنوم في وقت الظهيرة فنم فهي فترة للراحة تعيد للجسم نشاطه من جديد يقول صلى الله عليه وسلم (استعينوا بطعام السحر على صيام النهار, وبالقيلولة على قيام الليل) ولا يلزم كونها ساعات بل يكفي فيها الاسترخاء لفترة قصيرة قد تتجاوز النصف ساعة. اما الارق وعلاجه فيمكن التغلب عليه بتجنب النوم لفترات طويلة اثناء النهار والابتعاد عن المنبهات قبل النوم بثلاث ساعات على الاقل وتهيئة الجو المناسب للنوم فبذلك يمكنك التغلب على الارق.. فعن زيد بن ثابت قال: اصابني ارق الليل فشكوت ذلك الى رسول الله (صلى الله عليه وسلم) فقال: قل: اللهم غارت النجوم, وهدأت العيون وانت حي قيوم يا حي يا قيوم انم عيني واهدىء ليلي فقلتها فذهب عني


فى امان الله
" Mirage"

ومن أحياها فكأنما أحيا الناس جميعاُ

عندنا فى مركز الأورام فيهم أطفال أيتام وممكن طفل يكون عنده شهور لو متلحقش بيموت

وهيتلحق ازاى لو مفيش تبرعات ليه ولا حد يتكفل بيه أو دكتور محترم يتكلف بيه تفتكرو

ده هينقص من مرتبه بالعكس أنا مقتنعه تماما إن ربنا هيكرمهمن شوية قرأت قصة بجد

أبكتنى

قصة حقيقية نتيجة للأسباب الى اتكلمت فيهابعد ماتقرأوها متعيطوش بس ولا تقولو حسبى

الله ونعم الوكيل

بس ،لازم نساعد الناس دى قدر استطاعتنا، نحاول نتصدق ننشر فكرة

طفلة مصرية تحلم بالآيس كريم فأكلها السرطان

والحمدلله الذى عافاناولاحول ولا قوة الا بالله وحسبى الله ونعم الوكيل

منقول من مدونه هوندا

_____________

Angel

اخنق حاجه فى الدنيا

اخنق حاجه فى الدنيا ان يكون جمبنا ناس كتير اوى على طول فى كل وقت وخصوصا

الاوقات اللى بنبقى مش محتجنلهم اوى فيها

ووقت الشده اللى بجد او الوقت اللى بنبقى محتاجين ليهم فيها مانلئهمش جمبنا

مش بمزاجهم ولا حاجه يعنى : اللى يغيظ بجد بقى ويخنق انه غصب عنهم

يعنى مثلا لو احتجنا حد وطلبنا يساعدنا حالا او يجيلنا فى المكان الفلانى مثلا وغصب عنه

يحصل حاجه تمنعه

انه يساعدك او يحضر

ههههههههههههه والخنقه دى او الغيظ والفرسه دى مش بتبقى للواحد اللى كان محتاج

المساعده بس

لاء للشخص اللى مقدرش يقدم المساعده كمان

ههههههههه واه بقى لو الشخص اللى كان محتاج المساعده عنيد وغبى زى كده ودماغه قفلت

ان خلاص توبه

ومعدش طالب المساعده لا منه ولا من اى حد خالص عادى جدااا

بس فعلا وبجد وريلى فيرى جدااااااا موت حاجه فوق الفظيعه بشويه وتخنق اوى اوى

حد حصله الحكايه دى قبل كده غيرانا و سماح:d

واه نصيحه كمان قبل ما انسى لو حصلكوا الحكايه دى او حاجه شبها يعنى صوتوا فى وش

اللى قدامك هايريحكوا اوى :d

كفايه نص صرخه هاتفى بالغرض :d

__________________

Angel

زحمة يادنيا زحمة

السلام عليكم ورحمة الله وبركاته

زحمة يادنيا زحمة

ومع اول بوست ليا على الاطلاق فى بلوج بما ان يعنى احنا فى عيد وخروجات والزحمة والكلام ده
من مكانى ادام الكمبيوتر احب انوه انى بكره الزحمة اوى اوى اوى
طبعا انا مهيسة اوى فماتاخدوش على كلامى اوى ههههههه
المهم الزحمة عامة مش بتبقى موجودة فى العيد بس لا دى موجودة فى اماكن كتير منها الجامعة

بالنسبة لنا الجامعة مكان متعودين عليه خلاص وبقت حاجة طبيعية لينا لكن المواصلات بقى .....
ياعالم انا بقيت بكره انزل من البيت علشان اشترى حاجة بالنسبة للبنات دى متعة انها تنزل تتفرج وتشترى والكلام ده
لكن علشان تنزل وتتفرج لازم تتعرض مزيد من الخبطات والاحتكاكات بناس ماشية فى الشارع لا والمواصلات كمان
ياسلام لو واحد رذل جه يقعد جنبك لو قعد بادبه اوك نعديها لكن بقى لو العكس ........ دا غير لو كان التباع ارذل ويقعد اربعة جنب بعض ودى بتعدى بمشادة كلامية وعادة احنا بننتصر فيها لاننا عندنا حق فيها .......
اه فى بنات تتحرج تعترض ف الحكاية دى .... انا بقى لالالالالالا
الكلام ده كله خلاص استغنينا عنه بالتكسيات اللى ليها مشاكلها هى كمان واكيد البنات عارفين
لكن مش هانقول لتاكسى يدخل الشوارع اللى بنشترى منها ...... يرمينا من الشباك على طول
فتضطرى انك تتمشى وتدخلى كام محل كدة وتتفرجى ..... بتعملوا ايه بقى فى الحكاية دى ؟؟؟؟
انا بقضيها تخطى حواجز ....... تفادى الناس وخبطاتهم وخصوصا انك تحسى انهم ماشين سكرانين اصلا
ولو بس حاولتى انك تمشى باعتدال او خط مستقيم لدقيقة تتعرضى لكمية ضرب غير مقصودة من اللى ماشيين
وتبصى للى خبطك ولا اللى خبطتك دى....... ولا حتى بصتلك ولا كانها حست انها خبطت حد اصلا دا
معرفش اسميه عدم مبالاة ولا عدم احساس بالاخرين ولا ايه معرفش بالظبط

بقولكوا ايه انا كنت ناوية اقضيها شعر بقى وكدة فى اول موضوع
وطبعا منقول لكن قولت انزل موضوع كاتباه الاول
وبما اننا فى العيد الموضوع نوعا ما بيحصل فى العيد اكتر بردو ................ ســـــــــــــــلام


"Mirage "