اخنق حاجه فى الدنيا ان يكون جمبنا ناس كتير اوى على طول فى كل وقت وخصوصا
الاوقات اللى بنبقى مش محتجنلهم اوى فيها
ووقت الشده اللى بجد او الوقت اللى بنبقى محتاجين ليهم فيها مانلئهمش جمبنا
مش بمزاجهم ولا حاجه يعنى : اللى يغيظ بجد بقى ويخنق انه غصب عنهم
يعنى مثلا لو احتجنا حد وطلبنا يساعدنا حالا او يجيلنا فى المكان الفلانى مثلا وغصب عنه
يحصل حاجه تمنعه
انه يساعدك او يحضر
ههههههههههههه والخنقه دى او الغيظ والفرسه دى مش بتبقى للواحد اللى كان محتاج
المساعده بس
لاء للشخص اللى مقدرش يقدم المساعده كمان
ههههههههه واه بقى لو الشخص اللى كان محتاج المساعده عنيد وغبى زى كده ودماغه قفلت
ان خلاص توبه
ومعدش طالب المساعده لا منه ولا من اى حد خالص عادى جدااا
بس فعلا وبجد وريلى فيرى جدااااااا موت حاجه فوق الفظيعه بشويه وتخنق اوى اوى
حد حصله الحكايه دى قبل كده غيرانا و سماح:d
واه نصيحه كمان قبل ما انسى لو حصلكوا الحكايه دى او حاجه شبها يعنى صوتوا فى وش
اللى قدامك هايريحكوا اوى :d
كفايه نص صرخه هاتفى بالغرض :d
__________________
Angel
8 comments:
السلام عليكم يا ميادة ..
اخنق حاجة بتحصلي دلوقتي
اني مصابة بتمزق حاد في الاربطة
و داخلة في الاسبوع الرابع غياب
وفايتني حاجات كتير في الكلية وعايزة حد يكلم الدكاترة يأجلولي امتحانات اعمال السنة ولا واحدة حتى تقولي ايه اللي بيحصل في الكلية ولا اي حد يسأل عليا يرفع معنوياتي...
و مفيش واحدة كلفت خاطرها ترن عليا ولا تسأل مالك مش عايزة حاجة غير ناس معينة وهما بنتين واحدة معايا في جروب في السكشن (بتسأل عشان الشغل ما يعطلشي)
والتانية بينا عيش وملح ..
غير كدا خلاص ميعرفونيش..لأ وكمان بيسألو في اس ام اس
على معاد محاضرة بكرة وان كان ممكن اشوفهولهم على النت .......
ولا كأن فيه حاجة ولا كأني معرفشي والمفروض هما يقولولي ....
ولما يشوفوكي في الكلية ..ما بنشوفكيش ليه ....اوه كنتي تعبانة طب والله ما عرفنا وكل يوم معاكي عادي
و الادهى الهوانم اللي بينا وبين بعض تاسكات في السكاشن ولا واحدة فرقت معاها مش كفاية الواحد مستحمل المه
لأ كمان معاه تجاهل الناس ولا كأنك صفر على الشمال ...... بذمتك مش تبقي مخنوقة ..مش تبقي مخنوقة بس لأ وتتغيري من اللي حواليكي ...اديني سبب واحد يخليني ما تغيرشي يخليني اضحك في وشهم من قلبي زي زمان ؟؟؟؟؟
<<>>>سؤال غريب عمرك شفتي واحدة من البيت للكلية ومن الكلية للبيت ويجيلها اصابة ملاعب ؟؟؟؟؟؟؟
يلا خير قدر الله وما شاء فعل
ااااااااااه حصلى الموقف ده كتيييييييير
بس بزعل وبسكت ):
ومبعرفش اصرخ هههههههههههه
فعلا حاجه تخنق وتخنق اكتر لما تكونى مش عارفه تقوليها
هو ده شهر الكآبه ههههههه
تحياتى ليكى ولكل الحاسوباتيه
معاكوا ياجماعة لكن فى حاجة اسمها التمس لاخيك سبعين عذر إن لم تجد فالعيب فيك
بس.... شوفتوا الموضوع بسيط ازاى ؟؟؟ بس اللى يفتكر بقى وقتها هههههههه
موضوع جميل ياميادة .... شكرا ياجميل
@ hadel
وعليكم السلام ورحمه الله وبركاته ,عندك حق يا هديل والله مش عارفه ااقولك ايه بس انتى اكيد عارفانى
مش هاتكلم عن الموضوع ده هنا والحمد لله انك بخير وان شاء الله تبقى احسن واحسن
بس اصابه ملاعب يا هديل يخربيت البنشات ههههههههههه
_________________
@emy
يابت قولتلك نص صرخه تفى بالغرض اسمعى كلامى ,نص الصرخه دى عملت مفعول جامد اوى ههههههههههه اسالينى انا
بس كأبه ليه الموضوع مش طالب نكد ههههههههه ده طالب حاسبات :p
__________________
@mirage
هههههههه ماهى المشكله انك ملتمسه انتى عارفه يابت انا مسامحه يعنى مش شايله فى قلبى ولا بقول لاء انتوا غلطانين بس كل مشكلتى عندى معاهم يعنى انا مش زعلانه اه لكن انى اطلب المساعده منهم تانى لاء
شوفتى الزكاء :d
العفو يا حبيبتى اى خدعه :d
فعلا كلام نسمة صح
التمس لاخيك سبعين عذر
هى بجد ساعات بتضايق بس انتى بتقولى انها عصب عنهم يعنى هما كمان مهومش ذنب
وهما كمان مخنوقين
امال يبقى اية الحال لو معنهمش عذر
@lana
سلامتك الف سلامة يا جميل
والله انا معرف وكمان معنديش لتليفونك ولا اى حاجة توصلنى ليكى
متبقيش تتشائى (اصابة ملاعب !!!)هههههههههههه
موقف رخم اوي يا بت يا انجل
بس يا ذكية طلما انتي بتقولي انك عارفة انها غصب عنها وهي كمان زعلانة
يبقى لازم تنسي الموضوع وبعد كده لو احتاجتي منها حاجة تطلبيها عادي طالما عارفة انها مش هتتأخر :)
اولا قبل الرد
بجد الف سلامه عليكى يا هديل والله ما اعرف غير امبارح وانا طبعا مش معايا ليكى ولا موبايل ولا ميل
بس بجد مش تزعلى من اصحابك محدش عارف الظروف وكل العيال بيسالوا عليكى والله
يلا شدى حيلك عشان ترجعلنا بالسلامه كده وتنورى تانى
الموضوع بقه
بجد بتحصل كتير
بس لو انا اللى كنت محتاجه حد ومش لاقيته جنبى هضايق شويه لغايه ما يجى المبرر مجاش عمرى ما هطلب خدمه من الشخص ده تانى (هى مش خدمه بيكون احتياج لحد يحس بيكى بس)
لو انا بقه اللى حد محتاجنى
بجد وبامانه بيكون زعلى اكبر بكيتر
وبفضل فتره كده لغايه ما اعوض اللى كان محتاجنى
بالنسبه للصرخه نفسى وبجد ومن قلبى فيها
نفسى اصرخ مش من الموقف ده بس من حاجات كتير اوى بس ازى نفسى اعرف
ميرسى يا قمر على الموضوع
@ساره
لو هما معندهمش عذر ماكنتش انا طلبت منهم مساعده ماكنوش اصلا حاجه مهمه فى حياتى انا عمرى
بصى مساعده حد ليا فى وقت الشده بتبقى حاجه من ضمن الحاجات اللى بعرف اذا كان هما بيحبونى ولا لاء بس زى ماقولتلك كده عند عشان الحكايه دى ماتتكررش والحمد لله نجحت الطريقه دى :d
___________
@hend
حكايه انى انسى الموضوع ده انا طبيعى مابنساش حاجه بس من الطبيعى برضه انى مزعلش حد عزيز عليا بس تعرفى بعد الموقف ده وزعلى وكده انا معتش بطلب المساعده هما اللى بيقدمولى المساعده من غير مطلب وهو ده بقى اللى بيظهر غلاوتك عندهم بس نصيحه كمان
انسى التقل بقى هنا :d
___________
@نورالقلب
ردى عليكى يا ايمان زى ردى على البنات اللى فوق بالضبط بس تعرفى حاجه فى ناس تتطلب منك وفيه ناس تعطيلك يعنى مثلا بالنسبالى معظم اللى بيعطولى وبيساعدونى عمرهم ماطلبوا منى حاجه هما بيساعدونى وبس
ربنا يقدرنا كلنا على المساعده :)
إرسال تعليق