متى يفيق النائمون؟؟

ده شعر لفاروق جويده
متى يفيق النائمون

شهداؤنا بين المقابر يهمسون:
والله انا قادمون
فى الارض ترتفع الايادى
تنبت الاصوات فى صمت السكون
والله انا راجعون
تتساقط الاحجار يرتفع الغبار
تضئ كالشمس العيون
والله انا عائدون
شهداؤنا خرجوا من الاكفان
وانتفضوا صفوفا
ثم راحوا يصرخون
عار عليكم ايها المستسلمون
وطن يباع وامتة تنساق قطعانا
وانتم نائمون !!
شهداؤنا فوق المنابر يخطبون
قاموا الى لبنان صلوا فى كنائسها
وزاروا المسجد الاقصى
وطافوا فى رحاب القدس
واقتحموا السجون
فى كل شبر
من ثرى الوطن المكبل ينبتون
فى كل ركن من ربوع الامتة الثكلى
اراهم يخرجون
شهداؤنا وسط المجازر يهتفون
الله اكبر منك يا زمن الجنون
الله اكبر منك يا زمن الجنون
الله اكبر منك يا زمن الجنون
ــــــــــــــــــــــــــــــــــــــــــــــــــــ
شهداؤنا يتقدمون
اصواتهم تعلو على اسوار
بيروت الحزينه
فى الشوارع فى
المفارق يهدرون
انى اراهم فى الظلام
يحاربون
رغم انكسار الضوء
فى الوطن المكبل
بالاهانه
والدمامة والمجون
والله انا عائدون
اكفاننا ستضئ
يوما فى رحاب
القدس
سوف تعود تقتحم المعاقل
والحصون
ــــــــــــــــــــــــــــــــــــــــــ
شهداؤنا فى كل شبر يصرخون
يا ايها المتنطعون
كيف ارتضيتم ان ينام الذئب
فى وسط القطيع وتأمنون ؟!
وطن بعرض الكون يعرض فى المزاد
وطغمة الجرزان
فى الوطن الجريح يتاجرون
احياؤنا الموتى على الشاشات
فى صخب النهاية يسكرون
من اجهض الوطن العريق
وكبل الاحلام فى كل العيون ؟!
يا ايها المتشرذمون
سنخلص الموتى من الاحياء
من سفه الزمان العابث المجنون
والله انا قادمون
"ولا تحسبن الذين قتلوا فى سبيل الله
امواتا بل احياء عند ربهم
يرزقون "
ــــــــــــــــــــــــــــــــــــــــــــــ
شهداؤنا فى كل شبر
فى البلاد يزمجرون
جاؤا صفوفا يسالون :
يا ايها الاحياء ماذا تفعلون ؟!
فى كل يوم كالقطيع على المذابح
تصلبون !!
تتسربون على جناح الليل
كالفئران سرا للذئاب تهرولون
وامام امريكا
تقام صلاتكم فتسبحون
وتطوف اعينكم على الدولار
فوق ربوعه الخضراء يبكى الساجدون
صور على الشاشات
جرذان تصافح بعضها
والناس فى الم الفجيعة يضحكون
وفى صورتين تباع اوطان وتسقط امة
ورؤوسكم تحت النعال
وتركعون !!
فى صورتين
تسلم القدس العريقة للذئاب
ويكر المتآمرون
ــــــــــــــــــــــــــــــــــــــــــ
شهداؤنا فى كل شبر يصرخون
بيروت تسبح فى الدماء
وفوقها الطاغوت يهدر فى جنون
بيروت تسالكم اليس لعرضها
حق عليكم ؟! اين فر
الرافضون ؟!
واين غاب البائعون ؟!
واين راح الهاربون
الصامتون الغافلون
الكاذبون ؟!
صمتوا جميعا
والرصاص الآن يخترق العيون
واذا سألت سمعتهم يتصايحون
هذا الزمان زمانهم
فى كل شئ فى الورى يتحكمون ؟!
ــــــــــــــــــــــــــــــــــــــــــــــــــــ
لا تسرعوا فى موكب البيع الرخيص
فانكم
فى كل شئ خاسرون
لن يترك الطوفان شيئا كلكم
فى اليم يوما غارقون
تجرون خلف الموت
والنخاس يجرى خلفكم
وغدا باسواق النخاسة تعرضون
لن يرحم التاريخ يوما
من يفرط او يخون
كهاننا يترنحون
فوق الكراسى هائمون
فى نشوة السلطان والطغيان
راحوا يسكرون
وشعوبنا ارتاحت ونامت
فى غيابات السجون

نام الجميع وكلهم يتثاءبون
فمتى يفيق النائمون ؟!
فمتى يفيق النائمون ؟!

__________

صفــــا

غزه .. جرح ينزف

من لغزه ؟؟
اين الضمير العربي ؟؟
اين الحكومات ؟؟
اين المسلموون ؟؟
اين انا واين انت ؟؟

ياا رب ليس لغزه سوااك ..

********
Hager

ومن أحياها فكأنما أحيا الناس جميعاُ

عندنا فى مركز الأورام فيهم أطفال أيتام وممكن طفل يكون عنده شهور لو متلحقش بيموت

وهيتلحق ازاى لو مفيش تبرعات ليه ولا حد يتكفل بيه أو دكتور محترم يتكلف بيه تفتكرو

ده هينقص من مرتبه بالعكس أنا مقتنعه تماما إن ربنا هيكرمهمن شوية قرأت قصة بجد

أبكتنى

قصة حقيقية نتيجة للأسباب الى اتكلمت فيهابعد ماتقرأوها متعيطوش بس ولا تقولو حسبى

الله ونعم الوكيل

بس ،لازم نساعد الناس دى قدر استطاعتنا، نحاول نتصدق ننشر فكرة

طفلة مصرية تحلم بالآيس كريم فأكلها السرطان

والحمدلله الذى عافاناولاحول ولا قوة الا بالله وحسبى الله ونعم الوكيل

منقول من مدونه هوندا

_____________

Angel

الحاسة السادسة

السلام عليكم ورحمة الله وبركاته





الموضوع نوعا ما غريب لكن هو بيجى على بالى الايام دى كتير واللى طلعه فى دماغى اكتر انى والبنات النهاردة
لما كنا قاعدين وبنهظر الصبح وفى الوسط سمعت من ايمان كلمة "" حاسة ان قلبى مقبوض ""
دى حاجة عادية بتيجى للكل وبنحس بيها معنى كدة انها بتكون فى كل شخص مش حاجة غريبة بس السؤال هنا ...
الاحساس ده عبارة عن ايه؟؟؟؟؟ دى من التساؤلات اللى بسالها لنفسي احيانا
ومش بلافى ليها اجوبة ..... لو فعلا ايا كان حس بالاحساس ده وفعلا حاجة حصلت سواء خير او شر
كون ان الانسان يحس بحاجة وتحصل فعلا ده مااظنش انه تنبؤ او فراسة لانها مش بناء على تفكير او منطق
ده مجرد احساس جه للحظة وانتهى ونكتشف ان فى نفس وقت الاحساس ده حصلت حاجة فى مكان تانى

"""حد فاهمنى؟؟"""
لما فكرت فى الموضوع جه على بالى مسمى"" الحاسة السادسة ""هل دى حاجة موجودة فعلا عندنا ؟؟؟
حاولت اقرأ عنها على النت واستفدت شوية ..... قريت انها عند المراة بنسبة اكبر موجودة فى الام باحساسها باولادها وكدة
مش بس فى اننا نحس باشخاص فى اماكن تانية وفى ظروف معينة لا دا كمان لو قابلنا اشخاص بنتعامل معاهم فى حياتنا
فى منهم بنحس اننا قابلناهم قبل كدة ونكون مستريحين ليهم وفى العكس تماما مش بس اشخاص لا مواقف
و اماكن كمان وهناصدق رسول الله "صلى الله عليه وسلم": "الأرواح جنود مجندة ما تعارف منها ائتلف، وما تناكر منها اختلف" رواه مسلم.

كان المفروض انى اكون طايرة من السعادة ان النت اخيرا وصل لكن لاقيت العكس تماما وبردو مش عارفة ليه
حاسة انى دخلتكوا فى عالم خيال وخرافة لكن هى فعلا حاجات بتحصل ومش لاقية ليها تفسير

على قد ماكتر التفكير فيه فايدة على قد مافيه تعب اعصاب هههههههه ربنا يهدينى

اه نسيت دى حاجات لاقيتها فى وسط مابدور فى الموضوع للى يهتم

http://www.arrouiah.com/node/18633
http://www.aleppogate.com/upload/showthread.php?t=23890
http://www.scribd.com/doc/101160/-

فى امان الله

" Mirage "

اخنق حاجه فى الدنيا

اخنق حاجه فى الدنيا ان يكون جمبنا ناس كتير اوى على طول فى كل وقت وخصوصا

الاوقات اللى بنبقى مش محتجنلهم اوى فيها

ووقت الشده اللى بجد او الوقت اللى بنبقى محتاجين ليهم فيها مانلئهمش جمبنا

مش بمزاجهم ولا حاجه يعنى : اللى يغيظ بجد بقى ويخنق انه غصب عنهم

يعنى مثلا لو احتجنا حد وطلبنا يساعدنا حالا او يجيلنا فى المكان الفلانى مثلا وغصب عنه

يحصل حاجه تمنعه

انه يساعدك او يحضر

ههههههههههههه والخنقه دى او الغيظ والفرسه دى مش بتبقى للواحد اللى كان محتاج

المساعده بس

لاء للشخص اللى مقدرش يقدم المساعده كمان

ههههههههه واه بقى لو الشخص اللى كان محتاج المساعده عنيد وغبى زى كده ودماغه قفلت

ان خلاص توبه

ومعدش طالب المساعده لا منه ولا من اى حد خالص عادى جدااا

بس فعلا وبجد وريلى فيرى جدااااااا موت حاجه فوق الفظيعه بشويه وتخنق اوى اوى

حد حصله الحكايه دى قبل كده غيرانا و سماح:d

واه نصيحه كمان قبل ما انسى لو حصلكوا الحكايه دى او حاجه شبها يعنى صوتوا فى وش

اللى قدامك هايريحكوا اوى :d

كفايه نص صرخه هاتفى بالغرض :d

__________________

Angel

كان الله فى عون الرجاله

السلام عليكم ورحمه الله وبركاته

طبعا ده اول بوست ليا هنا

وبجد هو غريب جدا

بس الموضوع ده شاغل بالى بطريقه صعبه

ومش عشان احنا بنات يبقه مش حاسين بغيرنا

المهم

دلوقتى كان الله فى عون الرجاله ليه ؟

اكيد ده سؤال بتسالوا

انا من وجهة نظرى انهم عليهم حمل كبير جدا

ودول الرجاله اللى شايلين مسؤليه مش اى رجاله

يعنى مثلا طالب فى الجامعه هيتخرج مثلا وهو عنده 21 سنه

الله اعلم هيدخل الجيش ولا لا

ولو دخل (انا معرفش مدة الجيش قد ايه )

بس مثلا هنقول سنتين

يبقه كده عنده 23 سنه

يطلع بقه لسه يدور على شغل

ويكون مستقبله

عشان يجيب شقه وشبكه ومهر

ويعمل فرح

ويتجوز

كل ده هيكون فى كام سنه وبالاسعار اللى احنا فيها دى هنقول مثلا 5 سنين

يبقه عنده 28 سنه

ده معدل لو يعنى الحياه حلوه وهيلاقى شغل والبنت اللى هيتجوزها اهلها هيكونوا ناس كويسين وهيطلبوا حاجه معقوله

ولو مثلا عنده شقه وبس هيشطبها

معرفش حاسه انهم صعبنين عليا

يمكن عشان اخواتى كلهم ولاد وبشوف هما بيعملوا ايه عشان يكونه نفسهم

ولا عشان اللى بشوفه فى الواقع والدراما برده الشباب اللى بيموت وهو مسافر عشان يجيب فلوس

بجد حاجه تقطع القلب

بس اكيد مش هنبكى على الاطلال

ونقول الكلام ده وهما ما هيصدقوا

لا انا بجد بقول مجرد نصيحه بقولها دايما لاى حد اعرفه اخواتى يعنى واى حد من اهلى

ان مش شرط انك تشتغل فى تخصصك (لان لو انتظرت التخصص بتاعك يبقه هتجوز بعد 10 سنين)ده القاعده واكيد فى شواذ

اولا فتره الاجازه دى مش يضيعها فى الراحه فى البيت واللعب الفاضى

هيقول احنا بنعمل فى تخصصنا (احنا قولنا ايه من شويه محدش ضامن التخصص تفضل 4 سنين شغال فى تخصصك على امل شغل بعد التخرج وفى الاخر ايه صابونه)

امال نعمل ايه فى الاجازه

اشتغل شغل يجيب فلوس ابدا من دلوقتى كون نفسك فى ناس بدات تكون نفسها من ثانوى اتعود على الشغل اعرف فى كل حاجه مش تقتصر على حاجه واحده بس

ازى انت لغايه دلوقتى بتاخد المصروف من بابا بجد حاجه تكسف

بس للناس التانيه

والله بشوف طلابه خرجين هندسه وطب وربنا شاغلين على توك توك وتاكسيات انت احسن منهم فى ايه وفى مصر مش هقول بره لاننا عارفين بره هما بيعملوا ايه وعادى عندهم ومش بيتكسفوا انهم بيشتغلواكده (لانهم بيفكروا صح)

ولو عاوز تمرن نفسك فى تخصصك فى ايام دراسه اكيد مش ليل ونهار قاعد تذاكر اكيد لا يبقه

طول ايام الدراسه طور نفسك والاجازه هات فلوس

اتعود على الشغل

عشان محدش عارفه ايه اللى هيحصل بكره

البوست ده غريب

نصه هما صعبنين عليا

والنص التانى نصيحه

واصلا معرفش انا ليه كتبته مع اننا كلنا بنات بس اكيد كل بيت واحده فينا ليها اخ لازم تنصحه وبرده فى نفس الوقت تحس بيه

بس بجد اليومين اللى فاتوا اول مره احس اوى ان الشباب بيتعذب ومفيش حاجه بتيجى بالسهل الشباب اللى بيعتمد على نفسه

مش اللى بيعتمد على اهله

كل اللى بقوله ان الناس تفكر بواقعيه ومش ترتبط بحاجه معينه وتبدا تكون نفسها وتسيبها من الغفله اللى هى فيها

والاهل يرحموا نفسهم شويه فى الطلبات انتم بردوا عندكم اولاد وهيتعمل فيهم زى ما بتعملوا فى ولاد الناس

يلا كفايه كده

وبجد سورى جدا على الاطاله

كل سنه وانتم طيبين

$نـــــــــور القلب$

زحمة يادنيا زحمة

السلام عليكم ورحمة الله وبركاته

زحمة يادنيا زحمة

ومع اول بوست ليا على الاطلاق فى بلوج بما ان يعنى احنا فى عيد وخروجات والزحمة والكلام ده
من مكانى ادام الكمبيوتر احب انوه انى بكره الزحمة اوى اوى اوى
طبعا انا مهيسة اوى فماتاخدوش على كلامى اوى ههههههه
المهم الزحمة عامة مش بتبقى موجودة فى العيد بس لا دى موجودة فى اماكن كتير منها الجامعة

بالنسبة لنا الجامعة مكان متعودين عليه خلاص وبقت حاجة طبيعية لينا لكن المواصلات بقى .....
ياعالم انا بقيت بكره انزل من البيت علشان اشترى حاجة بالنسبة للبنات دى متعة انها تنزل تتفرج وتشترى والكلام ده
لكن علشان تنزل وتتفرج لازم تتعرض مزيد من الخبطات والاحتكاكات بناس ماشية فى الشارع لا والمواصلات كمان
ياسلام لو واحد رذل جه يقعد جنبك لو قعد بادبه اوك نعديها لكن بقى لو العكس ........ دا غير لو كان التباع ارذل ويقعد اربعة جنب بعض ودى بتعدى بمشادة كلامية وعادة احنا بننتصر فيها لاننا عندنا حق فيها .......
اه فى بنات تتحرج تعترض ف الحكاية دى .... انا بقى لالالالالالا
الكلام ده كله خلاص استغنينا عنه بالتكسيات اللى ليها مشاكلها هى كمان واكيد البنات عارفين
لكن مش هانقول لتاكسى يدخل الشوارع اللى بنشترى منها ...... يرمينا من الشباك على طول
فتضطرى انك تتمشى وتدخلى كام محل كدة وتتفرجى ..... بتعملوا ايه بقى فى الحكاية دى ؟؟؟؟
انا بقضيها تخطى حواجز ....... تفادى الناس وخبطاتهم وخصوصا انك تحسى انهم ماشين سكرانين اصلا
ولو بس حاولتى انك تمشى باعتدال او خط مستقيم لدقيقة تتعرضى لكمية ضرب غير مقصودة من اللى ماشيين
وتبصى للى خبطك ولا اللى خبطتك دى....... ولا حتى بصتلك ولا كانها حست انها خبطت حد اصلا دا
معرفش اسميه عدم مبالاة ولا عدم احساس بالاخرين ولا ايه معرفش بالظبط

بقولكوا ايه انا كنت ناوية اقضيها شعر بقى وكدة فى اول موضوع
وطبعا منقول لكن قولت انزل موضوع كاتباه الاول
وبما اننا فى العيد الموضوع نوعا ما بيحصل فى العيد اكتر بردو ................ ســـــــــــــــلام


"Mirage "

مع اول بوست وعيد سعيد

السلام عليكم
_____

الاول كل سنه وحضراتكم بخير وعيد سعيد على كل المسلمين وعلى كل الحاسوباتين

ده اول بوست فى بلوج بنات حاسبات واللى ان شاء الله هايكون مكان وملجأ لينا :D

بعد منتدانا طبعا ;) عشان يبقى الملاجئ بتاعتنا كتيره فى اى وقت وفى اى مكان

الخطوه دى جت طبعا بعد مااقترحنا الحكايه دى والحمد لله لغايه دلوقتى جتلنا موافقه

ومستنين بقيت البنات لما يرجعوا من العيد بقى :D

عشان يكملوا المسيره

وانا برضن هاروح شويه واجى يمكن انام ولا حاجه (:

لو حد فهم حاجه من كلامى يبقى يقول اصلى شكلى اغمى عليا من ساعه (:

_____________

## Angel ##