معلش يمكن هتكلم كتير بس بجد نفسي تقروا الكلام ده لاني بجد عايزاكوا كلكوا تعرفوه
انا غلطت و كنت فاكره نفسي ماشيه صح و فاهمه كل حاجه
قصرت في حاجات و اتهاونت و مكنتش فاهمه انا بعمل كده ليه
و اللي بيغلط لازم يأخد جزاءه عاجلا ام اجلا
و اني اعيد السنه دي قرصة ودن صغيره عشان افوق
الحمد لله على كل حال و لعله خير محدش عارف الخير فين
يمكن ربنا بيديني فرصه اني اصلح الغلط اللي في حياتي و ارجع اقرب منه تاني
و الحمد لله الرؤيا دلوقتي بدأت توضح و ان شاء الله ربنا يقدرني واعمل الصح
و الايام اللي قضيتها هنا كانت احلى ايام قضيتها معاكوا
و الحمد لله اني عرفت ناس كويسين افتخر اني عرفتهم ناس عايزه تشتغل بجد و عايزه تعيش صح
و طلعت ببنات بجد لو مكنتش دخلت هنا عمري ما كنت عرفتهم
بشكركوا على كل حاجه حلوه عشتها هنا و على كل معلومه استفدت بيها منكوا
بجد الحمد لله استفدت كتير و لولا وجود اخواتي جنبي يمكن مكنتش بقيت كده دلوقتي و عرفت اخد القرار الصح
فعلا حسيتها اوي رب اخ لم تلده امك
وكنت فرحانه اوي وانا حاسه انهم خايفين عليه و زعلانين يمكن اكتر مني
انا طبعا دلوقتي مبقتش فرد من الدفعه انا بقيت زائره هنا
بس ان شاء الله مش هسيب البلوج بعد اذنكوا ولا المنتدى و هفضل متبعاهم
بس قبل كده كنت بستنى عشان يمكن اقدر افيد حد في الدراسه
لكن دلوقتي معدش في ايدي حاجه ممكن افيد بيها
و في المجالات التانيه في ناس كتير هنا احسن مني و يعرفوا حاجات انا معرفهاش
ربنا يوفقكوا كلكوا و ينور لكل واحد الطريق الصح اللي يمشي فيه و هوه راضي عنه
و الف مبروك لكل اللي نجحوا و بجد من قلبي فرحانه ليكوا اوي
واللي لسه معرفش نتيجته ربنا يطمنه عليها ان شاء الله
انا اتكلمت كتير بس اخر كلمه عايزه اقولها لاخواتي البنات
يمكن يكون فيه ناس محستش اني بحبها لاني بجد مبعرفش اعبر كويس لكن لازم تعرفوا كلكوا اني بحبكوا و في الاوقات اللي كنت مش بسلم عليكوا فيها كنت بطمن عليكوا من بعيد
وحتى لو بعدت عنكوا و مقدرتش اجي اشوفكوا واسلم عليكوا انا عمري ما هنساكوا
كل ذكرى بينا هتفضل عايشه معايا و مونساني في بعدي ويارب متنسونيش زي ما انا مش هنساكوا
مش معنى كده ان لو حد شافني ميسلمش عليه لا طبعا هنسلم على بعض
وان شاء الله هبقى اجي اغلس عليكوا شويه ما انا هبقى فاضيه بقى املى الفراغ اللي هيبقى موجود :)
سلام يا أحلى دفعه
I will miss all of you
_____________
Wild Flower
18 comments:
ربنا يكون معاكى
هو بس كنت عاوز اقول شويه حاجات عل كلامك
لانى حسيت انه انهزامى كانك بتودعى
مش تخدى الموضوع عل انك السبب والغلط منك لانه كلنا عارفين انها كوسه
ثاينا مش تربطى بين اصحابك وبين انتى فى انهى دفعه
ثالثا انتى من دفعتنا وهتفضلى من دفعتنا
ولينا الشرف نكون منها
ولو عاوزه تساعدى المجالات كتيره مش شرط يعنى الماود الدراسيه
يارب يكون كلامى خفيف
يا غلسة يا شيموءة
كلامك دا ملوش منه اى داعى
لانك مننا وحتفضلى طول عمرك مننا وصاحبتنا
والحمد لله انه حصل كدا
لان ربنا بيعملك الخير الحمد لله
وبعدين مقياس النجاح مش نتيجة
ومقياس القدر مش باخطائنا
لا
القدر دا ربنا عايزة
مش عشان عملنا حاجة غلطت وحاجة تحصلنا نقول ربنا بيعاقبنا او دا عشان اللى عملتة ف دنيتى
لا يا منار ربنا غفور رحيم ومش بيعمل الا الخير لينا
وبعدين عمر النجاح مكان بالنتيجة
واديكى شايفة مادة نكون حالين فيها كويس ونجيب مقبول
ومادة نكون كاتبين فيها كلام عاشر من مادة خامسة
ونجيب فيها امتياز
فمش مقياس النتيجة ابدا
زى الثانوى كدا بالظبط
هل اللى دخل هندسة احسن مننا ولا احنا مثلا قصرنا فى النتيجة عشان كدا جت على دماغنا؟؟
بالعكس ربنا جاعلنا الخير فى الكلية دى وحبناها
ياريت تشيلى من تفكيرك اللى انتى بتقولية
ودا مجرد كانك بتعيدى تدريب من تانى
وحنفضل سوا
غصبن عنك
ان شاء الله
ومش عايزة اسمع صوت >:P
انتى زى ماانتى بتحبينا يا منار احنا كلنا كلنا بنحبك وربنا اللى عالم والله
انا عجبنى تفكيرك اوى لانه بجد هو ده التفكير الصح وهو ده التفكير اللى يرضى ربنا وان شاء الله ربنا هايجزيكى خير على تفكيرك
هو فعلا اراده ربنا كده مش انتى السبب ولا حاجه
وفعلا زى ماانتى قولتى ربنا اللى عايز كده لسبب ما
لعله خير ان شاء الله
بس المهم دلوقتى ان انتى مش زميله كليه وخلاص
انتى اخت يا منار وهو ده اللى دايم
وسواء بلوج او منتدى او اى حاجه انتى بس هاتكتبى فيها حرف
ده شرف لينا كلنا انتى مش اى حد انتى شخصيه محترمه وكويسه جداا
ربنا يخليكى لينا يا منار وتفضلى معانا على طول وتشجعينا وتمدلنا ايدك دايما
ربنا مايحرمنا منك :*
بس سيبك بقى انتى وحشانى يابت يخربيت كدا :*:D
قدر الله وماشاء فعل ياميمو
والحمد لله ع كل حال
المهم انك عرفتى انتى غلطتى وقصرتى ف ايه
واعرفى ان الى حصل ده خير ليكى
وان شاء الله ربنا يهديكى للصح
وبعدين مش الدراسه هى الى بتجمع الناس
علشان تقولى الكلام ده كله
ان شاء الله دايما مع بعض ومفيش حاجه تبعدنا ابدا باذن الله
:* :*
ربنا يخليكى لينا كلنا يااااااارب
وتفضلى دايما معانا
ومفيش حاجه تبعدنا ابدا
ياااااااااااااااااااااارب
وسامحينى علشان انا مقصرة معاكى اوووى :((
بس انتى طيبة اوووى واكيد مسامحه *:
i miss uuuuuuuuuu :*
بجد مش عارفة أقولك ايه يا منار :(
بس بجد والله أنا فرحانة جدا أني عرفتك
وأكيد حاجة زي دي عمرها ما هتبعدك عننا
لأن الحب مش بيحتاج أنك تبقي معانا عشان نحبك
فيه ناس أصلا مينفعش تنسيها
وكلامك ده أثر فيا قوي
بس دي إرادة ربنا وأكيد فيه حكمة من كده
ويمكن ده فيه خير ليكي
ربنا وحده اللى عالم
بس زي ما قلت عمر ما الحب كان مرتبط بالقرب
وأكيد هتفضلي معانا وهنشوفك على طول
ربنا يكرمك إن شاء الله
وبعدين اللى ربنا بيحبه دائما يحطه فى مواقف اختبار عشان يصبر وياخد عليها حسنات إن شاء الله
ربنا معاكي يا حبي :*
وأنا بجد عمري ما هنساكي خالص
سلاام
حتى لو أنتى غلطتى وأتعاقبتى علي غلطتك دي
مش لازم تقولي الكلام دا
أصله مينفعش تغلطي مرة وتفضلي تعاقبي نفسك عليه 10000 مرة
بالعكس لازم تبقي أقوي وتتعلمي من أخطائك
وكمان الأصحاب مش بالمحاضرات والسكاشن
يعنى مش لازم تقولي أنك هتبقي موجوده بس من بعيد وكدا
لأ لازم تبقي موجوده علي طول هنا وعلي المنتدي
و ربنا هيبقي معاكي لأنك طيبه أصلا :)
سلااام
والله يا منار بجد انتى من البنات اللى بحبها فى الكليه
ولعله خير يا منار قدر الله وما شاء فعل
وطبعا انتى هاتفضلى معانا على طول ومن دفعتنا :)
انا عايزاكى بس ماتفكريش فى الماضى خالص وفكرى فى اللى جاى .... النتيجه مش مقياس لحاجه ابدا صدقينى
وبعدين لا تبكى على اللبن المسكوب ولا ايه :)
ربنا يوفقك ان شاء الله لعله خير ان شاء الله
بجد انا بحبك فى الله وان شاء الله ربنا هايكرمك يا عسل Xxx
:( :( :( :( :( :(
بجد هو خبر وحش جدااااا
ربنا معاكى بجد
بس والله محدش عارف الخييير فين
ويمكن فعلا زى ما انتى بتقولى تكون علشان بتداى ترجعى للصح تانى وتقربى لربنا
بس اكيييييد الناس اللى قضيتى معاهم كل الوقت ده مستجيل هيسبوكى واكيييد هيبقى معاكى على طووول
ربنا معاكى وان شاء الله تعدى على خير :)
سلام عليكم
معلش يا منار خير يا حبيبتى متزعليش نفسك
لعله خير فعلا ومش معنى ان ده حصل انك عملتى ذنب او كده ممكن يكون ابتلاء من ربنا عشان بيحبك اصبرى يا جمييل وان شاء الله تعوضى السنه الجايه وربنا يوفقك ياااااارب واهم حاجه متستسلميش لكده وفكرى فى المستقبل وفكرى فى اهدافك وان شاء الله تحقيقها ياااارب
ومش معنى ان اى حد يشيل مواد او يعيد سنه ان الدنيا وقفت وهو فاشل ,الكليه والدراسه مش مقياس للنجاح
ومتخليش الظروف دى تفقدك الامل فى ربنا وتوكلى عليه وامشى فى مشوارك وان شاء الله ربنا هيعوض صبرك وهتلاقى نجاااااح كبيير تفتخرى بيه ونفتخر بيكى يا جمييل داانتى اختنا وحبيبتنا :-*
ربنا يخليكى لينا واكيد هتفضلى دايما معانا احنا عندنا كام منار يعنى :D
وربنا يوفقك يا حبى دايما ويجعل اللى جاى كله احسن واجمل من اللى فات :)
"قدر الله وما شاء فعل"
ومحدش عارف الخير فين
وعلى فكرة مش شرط يكون دة عقاب ممكن يكون ابتلاء
ولو انت اتعاملتي معاة صح ربنا اكيد هيكفئك خير ان شاء الله :)
كنت عايزه ارد من بدري على كل حد لوحده
بس متأسفه اعذروني بجد مقدرتش من اللخبطه اللي في دماغي
بجد مش عارفه ارد اقول ايه
المهم اني مش عايزه حد يزعل لاني مردتش عليه
انا قريت الكلام كله كلمه كلمه
ربنا يخليكوا كلكوا
متتصوروش سعيده قد ايه بالكلام ده
و هحاول انفذ الكلام ده على قد ما اقدر
بس اكيد الاحساس مش سهل و افكاري لسه متلخبطه
بحاول ارتبها و ان شاء الله كل حاجه تبقى تمام
جزاكم الله كل خير :)
ادعولي
قل لن يصيبنا الا ماكتب الله لنا
عسى ان تكرهوا شيئا وهو خير لكم
اولا انتى هتفضلى لاخر لحظه فى حياتنا من افضل اصحابنا بجد لانك تستاهلى ياجميل
ثانيا انا قلت الف مبروك على البلوج مكنتش اعرف اللى حصل والله حتى لما قلت انى مقدره كنت بحسب رصيدك خلص او حاجه..
خير بس بجد انا اسفه لانى حتى معرفتش اتصل بيكى او اعرف بسبب انشغالات معينه
انتى مش محتاجه انك تقولى حاجه زى كدا لاننا مهما حصل ومهما كانت الظروف من المستحيل ان حاجه هتقدر
تكسر علاقه الصداقه اللى بتربطنا ببعض
ايه يا بنتي الانهزامية
و الوداع اللي في لهجتك دا
عمر ما حد يبعد عن حد او ينساه عشان سبب زي دا
وان كان فعلا حصل حاجة زي كدا فأكيد يبقى انسان مصلحجي
احنا اخوة في الله مش حاجة زي كدا تبعدنا عن بعض
مين عارف الخير مكتوب لنا فين
منار ايه الكلام ده يابنتى هو كلامى معاكى قبل كده مش عمل حاجه ولا ايه يا بنتى
قولتلك ده نصيب وانا متاكده 100% ان ده خير ليكى لان ربنا مش بيعمل حاجه غير لما تكون خير ومحدش عارف ايه اللى هيحصل بكره
اذا كل اللى نعمله نقول الحمد لله قدر الله وماشاء فعل
هى اه ممكن صدمه شويه عليكى بس بالتقرب من ربنا الحياه هتكون سهله وهتعدى
وبالنسبه لينا اجى اضربك يعنى يابنتى احنا اخوااااااااات انا بالنسبه ليا كل اصحابى اخواتى انا اخويه مسافر اهوه وبقاله زمان جدا 5 سنين ياتره نسيته طبعا لا وانتى زى اختى اكيد مش هننساكى وهنفتكر كل حاجه حلوه كانت بينا وبعدين احنا لسه مع بعض اهوه راحين فين يعنى وهنشوف بعض على طول وما اكتر اوقات الفراغ فى حاسبات مش تخافى هتلاقينا على طول فى وشك بس انتى مش تعرفى اصحاب جددا وتنسينا
لكيت كتير بس لانك غاليه عليا حبيت اوصل احساسى
على فكره تانى مره اكتب الرد ده
يارب يوصل
سلام يا قمر
الحمد لله على كل شىء
وقدر الله وماشاء فعل
المؤمن بجد اللى يحمد ربنا اكتر فى البلاء والمحن اكتر من الرخاء
حاولى تبصى للامور بنظره ايجابيه وشوفى الجانب الايجابى فى الموضوع اكيد هترتاحى اكتر
وربنا معاكى
لا حول ولا قوه الا بالله
قدر الله وما شاء فعل
انا والله منا عارفه اقولك ايه يا منار
بس بجد انا مش عارفه .. حصل خير
ربنا معاااكي
:(
كان مجرد احساس و كلام عايزه اطلعه و عايزاكوا تعرفوه
هوه بس موضوع وقت و هيعدي
عايزه بس ارتب اولوياتي و اعيد حساباتي عشان اعرف هبدأ الطريق صح منين
انا بس كنت محتاجه اسمع منكم الكلام الجميل ده اللي بجد هيساعدني اعدي الفتره دي
ربنا يخليكوا ليا و نفضل على طول اخوات واصحاب :)
ربنا يكون ف عونك يبشمهندسه بجد
وفعلاا زى ما هيونيكال قاال مش ضرورى ده يبقى بلااء من ربنا ليه حضرتك متحسبهاش انها ابتلااء
اذا احب الله عبدا ابتلااه
واكيد ده خير لحضرتك لاازم حضرتك تتاكدى من كده
وربنا يوفقك
سلام عليكم
إرسال تعليق