السلام عليكم ورحمة الله وبركاته
معرفش ليه عندى احساس فظيع انى واخدة البلوج ده لحسابى وعلشان كدة
قررت انى اعمل موضوعين ورا بعض على غير العادة
الاحساس طبعا مش صحيح بالمرة هو بس الموضوع ده اتكرر معايا كذا مرة وخنقنى بجد
واكيد حصل معاكوا فااستاذكوا فى الموضوع ده....
نسيبنا من المقدمة الهبلة دى لان واضح انى بتكلم وبرد على نفسى والتهييس واخد حقه معايا
المهم كان عندى اعتقاد مقتنعة بيه لحد تلات اربع ايام فاتوا ان البنات مش بتحب اللف والدوران
على عكس الولاد مع اعتذارى الشديد لاى ولد يقرا الموضوع ده .. الا انى للاسف اكتشفت ان
فى من البنات اسوء فى حكاية اللف والدوران دى ومن هنا اقدر استنتج
ان اكيد فى ولاد بردو مش بتحب اللف والدوران
هنا بقى اسحب اعتذارى لانى يعتبر رجعت فى كلامى ^_^ بالنسبة ان كل الولاد بتحب اسلوب اللف والدوران
مش هاتكلم عن موقف البنت لانها كانت بتلف وتدور فى فلك موضوع بعيد ماكنش له لازمة
فى الوقت الحالى ومش حاطاه فى دماغى ومش عاوزة الخمكم بيه
لكن لما حد يتكلم بالاسلوب ده معاكى وعارفة هو عاوز ايه وعاوز يعرف ايه
وانتى طبعا مش هاتقدرى تقوليله قصر وهات من الاخر وانا اقولك المفيد واللى عندى
هاتضطرى تجاوبى على اسئلته من سكات وانتى مخنوقة منه
وطبعا انا مش بحب اسلوب الخنقة ده فبوصل بيه لطريق مسدود يااما يقول اللى عنده ويلخص
يااما مش هاياخد اجابة صريحة وكانك ياابو زيد ما غزيت زى مابيقولوا
هو كدة فى ناس تحب توصل لغيرها من الطريق الصعب
علشان كدة اسلوب الصراحة ده بعشقه ايمان قالت
انى توئمها " دبش" فى الكلام وصراحتى زيادة شوية لو الصراحة فى زمنا ده دبش
ايوة بعترف انى كدة معلش اى حد عاوز يقولى حاجة ينتقدنى فى حاجة
يقولها فى وشى مايلفش حوالين الموضوع ويخنقنى معاه والا على مايوصلنى
للى عاوزه منى ممكن يكون ردى عكس اللى كان ممكن اتخذه معاه فى الحالة التانية
اكيد ناس قابلوكم كدة ...... ماعلينا
فى امان الله
" Mirage "
معرفش ليه عندى احساس فظيع انى واخدة البلوج ده لحسابى وعلشان كدة
قررت انى اعمل موضوعين ورا بعض على غير العادة
الاحساس طبعا مش صحيح بالمرة هو بس الموضوع ده اتكرر معايا كذا مرة وخنقنى بجد
واكيد حصل معاكوا فااستاذكوا فى الموضوع ده....
نسيبنا من المقدمة الهبلة دى لان واضح انى بتكلم وبرد على نفسى والتهييس واخد حقه معايا
المهم كان عندى اعتقاد مقتنعة بيه لحد تلات اربع ايام فاتوا ان البنات مش بتحب اللف والدوران
على عكس الولاد مع اعتذارى الشديد لاى ولد يقرا الموضوع ده .. الا انى للاسف اكتشفت ان
فى من البنات اسوء فى حكاية اللف والدوران دى ومن هنا اقدر استنتج
ان اكيد فى ولاد بردو مش بتحب اللف والدوران
هنا بقى اسحب اعتذارى لانى يعتبر رجعت فى كلامى ^_^ بالنسبة ان كل الولاد بتحب اسلوب اللف والدوران
مش هاتكلم عن موقف البنت لانها كانت بتلف وتدور فى فلك موضوع بعيد ماكنش له لازمة
فى الوقت الحالى ومش حاطاه فى دماغى ومش عاوزة الخمكم بيه
لكن لما حد يتكلم بالاسلوب ده معاكى وعارفة هو عاوز ايه وعاوز يعرف ايه
وانتى طبعا مش هاتقدرى تقوليله قصر وهات من الاخر وانا اقولك المفيد واللى عندى
هاتضطرى تجاوبى على اسئلته من سكات وانتى مخنوقة منه
وطبعا انا مش بحب اسلوب الخنقة ده فبوصل بيه لطريق مسدود يااما يقول اللى عنده ويلخص
يااما مش هاياخد اجابة صريحة وكانك ياابو زيد ما غزيت زى مابيقولوا
هو كدة فى ناس تحب توصل لغيرها من الطريق الصعب
علشان كدة اسلوب الصراحة ده بعشقه ايمان قالت
انى توئمها " دبش" فى الكلام وصراحتى زيادة شوية لو الصراحة فى زمنا ده دبش
ايوة بعترف انى كدة معلش اى حد عاوز يقولى حاجة ينتقدنى فى حاجة
يقولها فى وشى مايلفش حوالين الموضوع ويخنقنى معاه والا على مايوصلنى
للى عاوزه منى ممكن يكون ردى عكس اللى كان ممكن اتخذه معاه فى الحالة التانية
اكيد ناس قابلوكم كدة ...... ماعلينا
فى امان الله
" Mirage "
8 comments:
اولا احب اقولك من قلب الحدث اللى هو بيتنا المحبوب وبالتحديد من على كرسى العرش بتاعى اللى هو مكانه بالضبط قدام الكمبيوتر المحروس :D
انك وحشتينى جداا جدااا يا بيه :P
ابقى انزلى الخميس بقى عشان تشوفينى :D
بالنسبه لموضوعك ده فاانى كنت اعتقد ان البنات اكتر من الولاد فى حكايه اللف والدوران ده ياما بقى انا ماعرفش حاجه خالص ودى حاجه طبيعيه :D
انا بتهيالىكده لان البنات بيتكلموا اكتر من الولاد لكلك يعنى وده المعروف عالميا :D
ده كل اللى جه فى دماغى دلوقتى هابقى اكلمك لما اقابلك بقى يا جميل
وحشتنيى بالعبيط يابت وربنا :*
امممممم اللف والدوران ؟
انا برده بقول ان البنات بتبقى اكتر ف اللف والدوران من الولاد
لكن لكل قاعده شواذ
نفسى اتعلم الاسلوب دا ..( الاعتراف بالحق فضيله )
بس للاسف مش بعرف الف وادور غير لما اكون لابسه كوتشى ههههههههههه :-P
هبقى اتكلم معاكى باستفاضه ف الموضوع دا
سلاموز ياللبن والشوكولاته :*
بشكل مبدئى
مفيش قاعده بتتعمم
ده اولا
ثانيا
انا كنت بهزر بكلمه دبش دى واوعى تزعلى
ثالثا
احسن انه يتقال علينا دبش بدل ما يتقال علينا اننا نااس مش واضحين
رابعا
الوضوح احلى شىء فى الدنيا
بصي مفيش قاعدة بتعمم
التصاق اساليب اللف والدوران
بجنس معين لأنها ميول نفسية
اللي بيحصل ان فيه حد بيبقى عايز حاجة
بس مش بطريقة مباشرة
يمكن لأنك هاترفضي او لأنه مش قريب منك
وفيه ناس بتبقى دي شخصيتها اصلا
عادة المسألة دي بتعتمد على الاطراف المشتركة في الموضوع
والموضوع نفسه طبعا
ايوووووووه بالظبط كده
انا بمووووت في الصرااحه بس طبعاا الصراحه المقبوله مش الجارحه برده يعني لو حد عايز يقولي عيب فيا يقول بس بطريقه كويسه مزعلش بيها
اما بقي لو حد اتخذ اسلوب اللف والدوران ده معايا ودوول كتير فانا بعمل حاجه حلوه بلف وادور انا كمان ونعد نلعب بقي محنا فااضيين :D
@ Angel
لالالالا مش اكتر منى طبعا انتى اللى وحشتينى اكتر ....... ^_*
ممممم الخميس ؟؟؟!! اكيد يعنى؟؟ اصل الخميس ريست يعنى عموما ان شاء الله كدة كدة نازلة هاحضر حاجة فى نيوهورايزون ابقى ابعتيلى الميعاد بس يكون بدرى من عشرة كدةولا حاجة اوك؟؟؟
معرفش البنات اكتر ولا لا لكن اللى بتعوز تقولى حاجة بتيجى تقولهالى على طول لانى بستخدم الاسلوب ده معاهم ممكن يكون على حسب المعاملات بين الطرفين بردو ^_^ ماشى يالكاكة ههههه ؟؟؟
انا مالى انتى اللى قولتى وكل واحد ادرى بنفسه ^_*
وحشتينى بالهبل يامجنونة ههههههه ماتيجى نفتح مستشفى مجانين احسن ونكون احنا المرضى بتوعها بس ^_^ انانية بقى تقولى ايه
@ Habhoba
نورتينى ياهبة ......... اه ابقى سلفينى الكوتشى بتاعك يمكن يجيب اثر معايا هههه
@ SimbaGirl
تعرفى النيك نيم ده عاجبنى معرفش بيفكرنى بافلام ديزنى والحاجات دى
اسمحيلى ياايمان اتنازل واضمك مسبقا لمرضى المستشفى اللى هاتتعمل دى ..... انتى عبيطة يابت ازعل منك؟؟؟ منك انتى؟؟؟ وليكى قلب تقوليها ههههههه
لا طبعا استحالة انا اقدر ياتوأمتى العزيزة ^_*
بالنسبة للتعميم بالنسبة لى مبدائى الا ان يتثبتلى العكس ... مش بيفرق فى التعامل مع الناس التعميم ده لكن هى فكرة مبدأية بحطها لنفسى
ومعاكى ياستى مافيش احلى من الوضوح
اشوفك على خير ان شاء الله
@ lana_hash
ياعينى ياعينى على الميول النفسية
اه على فكرة ان بحب ارائك جدا وطريقة تفكيرك ياهديل لو عاوزة تتناقشى فى الموضوع ده ماعنديش مانع ........ الاول نورتي موضوعى
المهم الناس اللى شخصيتها كدة دى اصلا يتقال عليها زى ماايمان قالت انهم ناس مش واضحة غالبا اسلوبهم مش مستحب فى التعامل دا مالوش علاقة بان الشخص ده كتوم او حريص
اما الخوف من الرفض من ردة الفعل نتيجة لانه مايعرفنيش مش قريب منى مش عارف انا ممكن اتصرف ازاى
الرد مهما اختلفت طريقة الحصول عليها يااما بالرفض او القبول بدال كدة كدة الرد هايتعرف ليه اتعب نفسى بالاسلوب ده دى حاجة يااما اه يااما لا حاجة واضحة ممكن يكون الاحراج من الرفض؟؟ مش عارفة لو الرفض تم هايكون منظرك ازاى وازاى تتصرفى لما يحصل ؟؟؟
وانا ليه اعقد نفسى بان الرفض حاجة وحشة مهينة ليا بالعكس دى حاجة عادية جدا ماتضايقش لو حصلت وخصوصا لو كنتى عارفة انها ممكن تحصل بتكونى مهيئة نفسك للموقف ده ...... وعلى فكرة تعاملاتك مع غيرك كلها بين يدى الله لانك مش عارفة ايه اللى فى نفس اللى قدامك .. سواء رفضه او قبوله فى امر مهم يتخاف من ردة فعل اللى قدامك فى عرضه عليه .......... وخليكى واثقة ان اللى ربنا رايده ليكى هو الافضل
طولت فى الكلام ...... بس قولت اللى عندى
@ hager
بالظبط اهو ده اللى بعمله نلعب
حد جاى يسال فى اسئلة ويحور فى الكلام هايكون ايه الرد غير انك تعملى زيه ....... وهو مبدا بينطبق على المعظم فى زمانا ده عاملى اللى ادامك زي مابيعاملك علشان كدة بحترم الناس الصريحة فى تعاملاتها حتى لو كانت بتكرهنى كره العمى وحابة انها تنتقدنى
نورتينى ياهاجر ........ ربنا يرجعك واشوفك ان شاء الله فى الكلية
إرسال تعليق