انفصال توأمين

كانا توأمين

هكذا كان يراهما كل من حولهما

لم يكونا يفترقا الا اذا جاء موعد نومهما

لم تشعر يوما ان هناك قوة على سطح هذا الكوكب تستطيع ان تفرقهما

ظنت دوما انهما تشابها في كل شئ ..... حتى ملابسهما

فتره ما مرت بحياتها جعلتها ترى الحقيقه التي خفيت عليها طوال هذه السنين

عادت الى الحياه بعد فترة اكتئاب عصيبه مرت بها دمرت ما تبقى لها من امل

كانت تتمنى ان تفيق لتجد توأمها بجانبها تشد على يديها

افاقت لتوقن انهما كانا مختلفين تمام الاختلاف

وجدت توأمها.... لا بل من كانت تظنها توأمها

وجدتها اتخذت الطريق المضاد لما اتفقا الا يحيدا عنه ابدا

لا سبيل للرجوع .....اذا هي من اختارت

نظرت اليها و هي تبتعد وعبراتها تنساب على وجنتيها الشاحبتين

تمتمت : هسامحك مهما عملتي يا توأمي

تنهدت ...... لملمت ما تبقى لها من قوة

و.........مضى كل منهما في طريقه

قوقعتها المخمليه

لطالما ارادت دوما ان تبدي رايها بما يهمها في الحياه

اشياء كثيره اهمتها و لم تستطع ان تضيف عليها من نكهتها الخاصه خوفا من ردة فعل قد تؤذي مشاعرها الرقيقه

منذ سنوات تحسبها ليست ببعيده كانت طفله ككل الاطفال

لا تعبأ لما يدور حولها و تعيش يومها لتسعد بكل ما يدور فيه حتى و لو كان في نظر الكبار تافها صغيرا

كانت تستطيع ان تقول و تفعل ما يحلو لها وقتما تشاء دون ان ينظر لها الاخرين نظرة من فقد عقله

ايقاف شريط الانطلاق والحريه و المرح لم يكن بالمهمه السهله عليها لكنها فعلتها

نعم هي من اخفت كل هذه الاشياء الجميله التي لطالما احبتها-ولا زالت تنمو بداخلها -عندما احست انها تعدت هذه المرحله من عمرها و يجب ان تتغير

اخذت كلما مر بها قطار العمر تدخل اكثر داخل قوقعه صنعتها هي بنفسها

بين الحين و الاخر تخرج برأسها قليلا

ثم تنطلق في صفحات الصفاء المتبقيه في الحياه لتلتقط بعض الذكريات التي تجعلها تستطيع اكمال حياتها داخل قوقعتها المخمليه

ثم تعود راكضه خوفا من ان يلحق بها من يستطيع ان يخرجها من عالمها الاكثر هدوئا و سكينه
________
تمت
________
اول مره اكتب حاجه زي كده بس قلت اخد بنصيحة رورو و اجرب

ماتحرمونيش من ارائكم بقى :)

ماشوفتيش الوش التانى ..... ماتعرفنيش ...... انا مش ملاك

ماعرفش انا ايه العنوان الغريب ده ........ بس ماعلينا
اللى اقصده صفتين " قمة الطيبة والخير & وقمة الشر " ماعرفش يتقال عليها قمة الشر ولا ايه لكن ماعلينا بردو
هاتفهموا قصدى اكيد فى الكلام الجاى ...... ممممممم دايما بسمع جملة " اتقوا شر الحليم اذا غضب "
اظن كدة فهمتوا قصدى الانسان ممكن يكون فيه الصفتين دول مع بعض .... كتير اوى بشوفها فى اللى حواليا
وبسمع كلمة ماشوفتيش الوش التانى ماتعرفينيش ...... ماعرفش بدال اتخلقنا فينا الصفتين دول
يبقى اكيد موجودة بنسب مختلفة عند كل شخص يبقى بردو اكيد النسب دى نقدر نغير فيها ونعدل منها
وكل شخص وحسب مقدرته بقى ......... عندى اعتقاد دايما ماشية بيه فى تعاملاتى مع الناس ناتج من طريقة التفكير اللى فاتت
ان اى حد بنقابله مهما كانت سلوكياته او تصرفاته فيه شئ من الخير ليه مانتعاملش معاه من الجهة دى ويكون تركيزنا عليها
مش الشخص ده مش كويس بيعمل تصرفات مش ظريفة يبقى خلاص اتجنبه طب ليه اتجنبه .... انا لاحظت الشئ اللى مش كويس فيه
وبتعامل على اساسه .... بس لازم ماانساش ان غيرى هايتعامل معايا من المنطلق ده وهايتجنبنى لان بردو اكيد فيا الوحش
فى جمل كتير سمعتها بتؤدى لنفس التصرف ده سمعت انى انشغل بعيوب نفسى عن عيوب الغير وبالتالى مش هاشوف عيوبهم
مش هاغلط فيهم لاى سبب من الاسباب
حاجة كمان انى فى تعاملاتى مع غيرى انى اكره الغلط لكن مااكرهش الغلطان نفسه او اكره المعصية لكن العاصى لا
بجد """"""""""" الحمد لله على نعمة الاسلام """""""""""""

من الحاجات اللى لغبططنى بجد .... لما اجى احكم على حد احكم عليه فى انهى حالة ومن انهى جهة
هو كدة ولا كدة؟ ماهو فيه الاتنين يبقى على كدة ماهوش طيب ولا شرير طب هو ايه ؟؟؟ لما زهئت اتعاملت باللى فوق ده
مش بنكر ان بيجى عليا لحظات اكون كارهة شخص ما بدون اسباب معينة ماعرفش اظن دى احيانا بتحصل مع البعض مننا
مش حابة التعامل معاه بدون اسباب لكن لو فرضت عليا الظروف التعامل معاه بتعامل بطريقة فيها تحفظ شوية لكن مش بسوء او اخلى كرهى ده ياثر على تعاملاتى معاه لحد ماييجى الوقت اللى تتغير فكرتى عنه او تفضل زى ماهى ........ ودايما هى فترة وتعدى

ماعرفش بردو... اعتقد ليها علاقة بالحديث ده قال رسول الله "صلى الله عليه وسلم": "الأرواح جنود مجندة ما تعارف منها ائتلف، وما تناكر منها اختلف" رواه مسلم.

كنت كاتبة نوت عندى فى مرة .......... لما رجعت قريتها تانى بعد فترة لاقيت فيها شئ من القسوة
او فيها حاجة غلط او اتصرفت بطريقة غلط وكانت النوت دى تبرير لنفسى انى صح وانى ماغلطتش
والطرف تانى كان غلط فيا وده كان رد طبيعى منى وقتها
لو كنت فكرت بنفس الطريقة مااظنش انى كنت هارد نفس الرد او احتاج انى ابرر لنفسى الرد ده

كتير بتحصل...... ده كان شر منى وقتها فيها ايه لو كنت مارديتش خالص واحتسبت الاجر عند ربنا
لكن بردو هى نفس الصفات اللى اشتكيت منها الغضب والتسرع

لكن بردو .......... ماعلينا ^_^

ماعرفش هو دايما اقول ماعلينا ومااعرفش وبردو ......... ماعلينا
مش هابعت لحد عالميل لانى مش مسطبة ماسنجرات لما اشوف مين بيتابع منكن ^_^

Mirage