السلام عليكم ورحمة الله وبركاته
ومع اول بوست ليا على الاطلاق فى بلوج بما ان يعنى احنا فى عيد وخروجات والزحمة والكلام ده
من مكانى ادام الكمبيوتر احب انوه انى بكره الزحمة اوى اوى اوى
طبعا انا مهيسة اوى فماتاخدوش على كلامى اوى ههههههه
المهم الزحمة عامة مش بتبقى موجودة فى العيد بس لا دى موجودة فى اماكن كتير منها الجامعة
بالنسبة لنا الجامعة مكان متعودين عليه خلاص وبقت حاجة طبيعية لينا لكن المواصلات بقى .....
ياعالم انا بقيت بكره انزل من البيت علشان اشترى حاجة بالنسبة للبنات دى متعة انها تنزل تتفرج وتشترى والكلام ده
لكن علشان تنزل وتتفرج لازم تتعرض مزيد من الخبطات والاحتكاكات بناس ماشية فى الشارع لا والمواصلات كمان
ياسلام لو واحد رذل جه يقعد جنبك لو قعد بادبه اوك نعديها لكن بقى لو العكس ........ دا غير لو كان التباع ارذل ويقعد اربعة جنب بعض ودى بتعدى بمشادة كلامية وعادة احنا بننتصر فيها لاننا عندنا حق فيها .......
اه فى بنات تتحرج تعترض ف الحكاية دى .... انا بقى لالالالالالا
الكلام ده كله خلاص استغنينا عنه بالتكسيات اللى ليها مشاكلها هى كمان واكيد البنات عارفين
لكن مش هانقول لتاكسى يدخل الشوارع اللى بنشترى منها ...... يرمينا من الشباك على طول
فتضطرى انك تتمشى وتدخلى كام محل كدة وتتفرجى ..... بتعملوا ايه بقى فى الحكاية دى ؟؟؟؟
انا بقضيها تخطى حواجز ....... تفادى الناس وخبطاتهم وخصوصا انك تحسى انهم ماشين سكرانين اصلا
ولو بس حاولتى انك تمشى باعتدال او خط مستقيم لدقيقة تتعرضى لكمية ضرب غير مقصودة من اللى ماشيين
وتبصى للى خبطك ولا اللى خبطتك دى....... ولا حتى بصتلك ولا كانها حست انها خبطت حد اصلا دا
معرفش اسميه عدم مبالاة ولا عدم احساس بالاخرين ولا ايه معرفش بالظبط
بقولكوا ايه انا كنت ناوية اقضيها شعر بقى وكدة فى اول موضوع
وطبعا منقول لكن قولت انزل موضوع كاتباه الاول
وبما اننا فى العيد الموضوع نوعا ما بيحصل فى العيد اكتر بردو ................ ســـــــــــــــلام
"Mirage "
زحمة يادنيا زحمة
ومع اول بوست ليا على الاطلاق فى بلوج بما ان يعنى احنا فى عيد وخروجات والزحمة والكلام ده
من مكانى ادام الكمبيوتر احب انوه انى بكره الزحمة اوى اوى اوى
طبعا انا مهيسة اوى فماتاخدوش على كلامى اوى ههههههه
المهم الزحمة عامة مش بتبقى موجودة فى العيد بس لا دى موجودة فى اماكن كتير منها الجامعة
بالنسبة لنا الجامعة مكان متعودين عليه خلاص وبقت حاجة طبيعية لينا لكن المواصلات بقى .....
ياعالم انا بقيت بكره انزل من البيت علشان اشترى حاجة بالنسبة للبنات دى متعة انها تنزل تتفرج وتشترى والكلام ده
لكن علشان تنزل وتتفرج لازم تتعرض مزيد من الخبطات والاحتكاكات بناس ماشية فى الشارع لا والمواصلات كمان
ياسلام لو واحد رذل جه يقعد جنبك لو قعد بادبه اوك نعديها لكن بقى لو العكس ........ دا غير لو كان التباع ارذل ويقعد اربعة جنب بعض ودى بتعدى بمشادة كلامية وعادة احنا بننتصر فيها لاننا عندنا حق فيها .......
اه فى بنات تتحرج تعترض ف الحكاية دى .... انا بقى لالالالالالا
الكلام ده كله خلاص استغنينا عنه بالتكسيات اللى ليها مشاكلها هى كمان واكيد البنات عارفين
لكن مش هانقول لتاكسى يدخل الشوارع اللى بنشترى منها ...... يرمينا من الشباك على طول
فتضطرى انك تتمشى وتدخلى كام محل كدة وتتفرجى ..... بتعملوا ايه بقى فى الحكاية دى ؟؟؟؟
انا بقضيها تخطى حواجز ....... تفادى الناس وخبطاتهم وخصوصا انك تحسى انهم ماشين سكرانين اصلا
ولو بس حاولتى انك تمشى باعتدال او خط مستقيم لدقيقة تتعرضى لكمية ضرب غير مقصودة من اللى ماشيين
وتبصى للى خبطك ولا اللى خبطتك دى....... ولا حتى بصتلك ولا كانها حست انها خبطت حد اصلا دا
معرفش اسميه عدم مبالاة ولا عدم احساس بالاخرين ولا ايه معرفش بالظبط
بقولكوا ايه انا كنت ناوية اقضيها شعر بقى وكدة فى اول موضوعوطبعا منقول لكن قولت انزل موضوع كاتباه الاول
وبما اننا فى العيد الموضوع نوعا ما بيحصل فى العيد اكتر بردو ................ ســـــــــــــــلام
"Mirage "
10 comments:
الزحمة موجودة علطول يا نسمة
وفى ناس بتمشى تخبط كمان
بالنسبة للعيد انا ما بخرجش فى العيد
لان الشوارع بتكون زحمة والمعاكسات بتكون زيادة حبيتين (: يعنى ما فيش داعى للنزول فى العيد
عارفة احلى ايام تنزلى فيها عى اية
يوم الوقفة الساعة 6 بعد ما تفطرى علطول انا نزلت و كانت الشوارع هادية جداااا
ويومها دخلت السينيما انا وبابا وماما وكانت كل اللى فىها 9 افراد بس يعنى متعة تانية
وكل زحمة وانتى طيبة يا نسمة قصدى وكل عيد وانتى طيبة
فعلا يا نسمه الزحمه بقت حاجه لا تطاق
الواحد مثلا لو ماشي في حتة ضايقه و زحمه بيحاول يعدي من الناس بجنبه
لا فيه ناس عايزه تعدي كده زي ما هيه ماشيه
و لا بيهمها تدوس على رجلك و لا تخبط فيكي
عادي جدا ماشيين في ارض الحكومه وطبعا اللي اداس عليها دي مش رجلك دي طوبه مش عارفه ايه اللي جابها هنا
فمن الطبيعي جدا انها متعتزرش
و طبعا انتي اللي المفروض تخدي بالك من رجلك كويس و من نفسك عشان متتخبطيش
و لو حصل و اعترضتي يبقى انتي اللي غلطانه وابقي فتحي بعد كده وانتي ماشيه
D:
اما المواصلات دي حاجه تانيه
طبعا كلكوا بتحسدوا بتوع المنصوره عشان بيروحوا بسرعه
ابقوا اقفوا معايا شويه قبل ما روح و انتوا هتحمدوا ربنا
لو تاكسي بمزاجه يختار اذا هوه ناوي يروح هناك ولا لا
اما لو مكروباص برضه هوه اللي يختار اذا كان يكمل لغاية اخر الخط و لا منتيش مروحه النهارده
و في كلا الحالتين ده لو لقيتيهم فاضين اصلا
ابقوا اتفضلوا معايا يا جماعه :)
):
معاناه انا بقيت اكره اخرج من بيتنا اصلا
والواحد وهو طالع شايل هم هيسافر ازاى
ولما يسافر طب ياترى اما اجى اروح هركب بسرعة ولا هستنى كتير
ياترى هلاقى تاكسى ودى معاناه
وزى ماقولتى برضه المشى معاناه بتخبطى ف الناس والناس فعلا زى ماتكون سكرانه
وماشيين مش شايفين قدامهم اصلا
شكرا ع البوست الجميل ده
وكل سنة وانتى طيبة
ومبروك للجميع ع البلوج
دى بقت حاجة طبيبعية يا نسمة
ومفيش قدامنا الا اننا نتأقلم على الوضع اللى عايشينه ..
وفى العيد مش بحب أخرج الا عند قرايبنا وكده بس ... والنهارده يوم غريب كده (تالت يوم ) :(
ربنا يعديه على خير والعيد كله :)
سلام ...
تعرفى انى من اول مااقعدنا فى البيت من قبل العيد وانا لسه مشفوتش شكل الشارع بتاعنا :D
محدش راضى يخرجنى عاااااااااااا
انتى عارفه يا نسمه ان سبب من اسباب عدم خروجى او انى مبحبش الخروج هى الزحمه دى وحتى لما جيت ااقول لاخويا تعالى فسحنى على البحر قالى فيه زحمه دلوقتى اتنيلى :D
بجد حاجه خنيقه جدااا وخصوصا ان الوحده بتبقى عايزه تولع فى نفسها لو حد خبطها غصب عنها ولا حاجه
ربنا يرحمنا بقى من المواصلات والقرف ده
وكل عام وانتن طيبات يا بنات
وعسل وربنا يا نسمه
اموووووووووووه :)
تقبل الله منا ومنكم
وكل عام وانتم بخير
@ smsma
وانتى بصحة وسلامة يااسماء
تصدقى انى ولا مرة روحت سينما ؟؟ يلا مسيرى اروحها ان شاء الله .... وهنيالك باوقاتك السعيدة دى وربنا يديمها عليكى ياسمسمة اسكندرية فعلا من اجمل المناطق اللى شوفتها فى حياتى مع انى ماشفتش كتير يعنى هههه ........ نورتى بوستى ياجميل
@ wild flower
نورتينى يامنار ......... اهو اللى يفرس اكتر فعلا الناس اللى قولتى عليهم دول ... لازم اعدى من هنا الشارع كله مش عاجبنى وعاوز اعدى من هنا وياسلام لو خبطت فيكى ولو اتكلمتى شوفى بقى كمية الرخامة والتباتة اللى تلاقيها من الانسان ده ...... طبعا مواصلات المنصورة وبال>ات الاماكن اللى جنب الجامعة ماتقوليليش ..... ربنا فى عونكم يابنتى
@ e_emy
وانتى بخير وصحة وسلامة ياايمى
ربنا معاكى فى سفرك ومواصلاتك
عندنا فى المحلة فى اتوبيسات مخصوص تبع شركة بنحجز فيها وبتوصلنا وكدة يعنى
لو عددكوا كبير ممكن تتفقوا مع حد وتجمعوا مع بعض وتتفقوا على مواعيد بحيث يوصلكوا ويكون اريح ليكم على فكرة ....... عموما ربنا معاكى ويوفقك ياجميل ^_^ نورتينى ياعسل انتى
@ Amany
هى فعلا بقت حاجة طبيعية جدا فى حياتى
بس حاجة ايه دى اللى تخلينا محبوسين فى البيت ... البنت المحترمة اللى مش عاوزة تخبط فى حد او تتزاحم ملهاش انها تنزل او تتمشى او تتسوق بسبب ان الناس مش عارفة تمشى عدل ^_^
دى حاجة خنيقة اوى وللاسف بدانا نتعود عليها خلاص ....... ماعلينا
ان شاء الله ربنا يعدى الايام دى على خير والايام كلها .... وكل سنة وانتى طيبة ياجميل
@ Angel
يابنتى بقولك انتى اللى عسل ومش مصدقة ^_^
انا بقى ياستى خرجت النهاردة فعلا وياريتنى ماخرجت .... بردو لنفس السبب اياه وكمان انا بقيت ماشية معاهم ولا كانى معاهم حاسة كانى لسة بشوف المحلة شايفة الدنيا زاحمة حوليا لكن حاسة انى فى عالم تانى بفكر فى حاجات تانية يدوب اللى بعمله انى اتفادى خبطات الناس ..... لا وانتى عاوزة تخرجى ... نصيحة من صاحبتك حبيبتك بلاش مرمطة وبهدلة واقعدى فى بيتك ههههه
واصطادى اخوكى فى يوم مايكونش ليه حجة ومايطنش .... سلام ياعسل ^_*
@ م/ الحسيني لزومي
وحضرتك طيب وبصحة وسلامة .... نورت بلوجنا المتواضع
نسوووووووووم
ايه النور ده ؟
اسكتى على الزحمه وعمايلها بجد بكرهها جدااا لدرجه انى فعلا مش بحب أنزل من البيت وعلى رأى ماما دايما تقولى
"هوه انتى عايزه تعيشى فى الدنيا لوحدك"
اما المواصلات حبيبه قلبى (منها لله)
اكتر حاجه بتخنقنى نبقى واقفين والناس كتير ونكون فى وقت متأخر مثلا وابقى جنب العربيه وخلاص هركب الاقى واحد رزل يقوم زاقق وداخل هوه الواحد بيبقى مستغرب الذوق والشهامه راحوا فين ؟
لدرجه مره حلفت لازم اركب واحجز لصحابى وكان حته منظر اتشعلقت فى العربيه وهيه ماشيه وكل اللى على لسانى وربنا ماانا نازله وحجزت لاصحابى فعلا
كفايه كده ايه الرغى الكتير ده
سلاموز
نسمه ازيك يا قمر
كل سنه وانتى طيبه
امممممممممممم
الزحمه
هى فى الموصلات بس
ده بالنسبه ليا انما المشى مش بحاول اصلا امشى فى وقت يكون فى زحمه لانى بكره الزحمه كره
بس بجد الموصلات دى اكتر كلمه بتكون متعلقه على لسانا
الله على شهامه ولاد البلد
بجد منتهى الهمجيه تكونى واقفه والمفروض تركبى
تلاقى جيش ولاد داخل عليكى هيموتك عشان يركبوا هما
فنبعد لغايه ما هما يركبوا وهكذا لغايه ما الموقف يفضه وبعدين احنا نركب الا اذا ربنا بعت لينا سواق بيركب البنات الاول
يالهوى لكيت كتير جدا
بس متاثره بشهامه ولاد البلد
يلا سلام يا قمر
@ احلى الاوقات
دا نورك يقمر ^_^
معرفش الجنون ده فيكى يايسرا واضح انك لما بتصممى على حاجة بتعمليها ههههه
@ نور القلب
الحمد لله
وانتى بصحة وسلامة وطيبة ياجميل
شهامة مين بقى ماخلاص راحت ايامها
بجد فى ناس دلوقتى مايتقالش عليهم رجالة اصلا ........ يتقال ليهم الله يرحمك يارجولة هههههههه
نورتينى ياايمان ^_^
إرسال تعليق