لا استطيع!!

اريد ان اجد نفسي

ان اجد طريقي في الحياه

هل ابحث عنه و عن نفسي في وجوه من حولي؟!!

كيف لي ان اجده وانا لا اجيد النظر في ملامح الاخرين

اتحاشى النظر في الوجوه فكيف بالبحث و التدقيق

انظر فقط في الفراغ الممتد اللا متناهي حولي

فلا استطيع ان ارى ما وراء هذه العيون المشعه بالحب او تلك اللا مباليه

لا استطيع ان ارى الكون من منظوري انا .....نعم لا استطيع

ياااما انت كريم يارب

انا دلوقتى فى قمة السعادة ..... مش قمتها اوى يعنى بس اهو سعيدة شوية وخلاص
لما تكونى شايلة هم حاجة وقاعدة تخططى ازاى تعديها وتتجنبيها من غير تجنبك ليها ماياثر على اللى حواليكى
لانها تعباكى وعاوزة تتجنبيها باى طريقة... مش فارقة الحاجة دى مع اللى حواليكى لكن اللى هاتعمليه علشان
تهربى منها ده المشكلة ده اللى ممكن ياثر على اللى حواليكى وممكن يصعب عليكى الامور
مش عاوزة تسببى صعوبات للى حواليكى وفى نفس الوقت عاوزة تشيليها من طريقك مش تتعرضى ليها تانى اكيد معادلة صعبة
طبعا واضح اوى انى بتكلم بالالغاز وابقوا قابلونى لو حد عرف بتكلم عن ايه ^_^
اللغز مش الهدف لكن سريان الامور وازاى تكونى شايلة هم حاجة وقاعدة تفكرى ازاى تتجنبيها من غير تجنبك ده
ماياثر على اللى حواليكى وازاى ربنا ممكن فى لحظة يهون عليكى الامور دى كلها وتتحل من ناحية تانية خالص
دى نعمة كبيرة جدا من عند ربنا " ربى لك الحمد والشكر كما ينبغى لجلال وجهك وعظيم سلطانك "
فعلا ان مع العسر يسرا ......... بس المهم دايما انك تكونى فعلا عاوزة ده لوجه الله
احسن حاجة بجد انك تبعدى نفسك عن حاجة نفسك فيها بس لوجه الله وشوفى كرم ربنا عليكى هايبقى ازاى

قوقعتها المخمليه

لطالما ارادت دوما ان تبدي رايها بما يهمها في الحياه

اشياء كثيره اهمتها و لم تستطع ان تضيف عليها من نكهتها الخاصه خوفا من ردة فعل قد تؤذي مشاعرها الرقيقه

منذ سنوات تحسبها ليست ببعيده كانت طفله ككل الاطفال

لا تعبأ لما يدور حولها و تعيش يومها لتسعد بكل ما يدور فيه حتى و لو كان في نظر الكبار تافها صغيرا

كانت تستطيع ان تقول و تفعل ما يحلو لها وقتما تشاء دون ان ينظر لها الاخرين نظرة من فقد عقله

ايقاف شريط الانطلاق والحريه و المرح لم يكن بالمهمه السهله عليها لكنها فعلتها

نعم هي من اخفت كل هذه الاشياء الجميله التي لطالما احبتها-ولا زالت تنمو بداخلها -عندما احست انها تعدت هذه المرحله من عمرها و يجب ان تتغير

اخذت كلما مر بها قطار العمر تدخل اكثر داخل قوقعه صنعتها هي بنفسها

بين الحين و الاخر تخرج برأسها قليلا

ثم تنطلق في صفحات الصفاء المتبقيه في الحياه لتلتقط بعض الذكريات التي تجعلها تستطيع اكمال حياتها داخل قوقعتها المخمليه

ثم تعود راكضه خوفا من ان يلحق بها من يستطيع ان يخرجها من عالمها الاكثر هدوئا و سكينه
________
تمت
________
اول مره اكتب حاجه زي كده بس قلت اخد بنصيحة رورو و اجرب

ماتحرمونيش من ارائكم بقى :)