SpaceTime 3D

(SpaceTime 3D Browser)

Download

SpaceTime Site

_______________________

Angel

أنا مش عارفنى

احساس غريب أوى بيجى ساعات كده على غفله تحس ان انت مش انت وتلاقى نفسك مستغرب

وعلى لسانك كلمه واحده أنا ماكنتش كده ؟هوه أنا بقيت كده ازاى؟

وتحاول تدقق كده فى المرايه تشوف ايه اللى وصلك للاحساس ده للدرجه ديه ممكن الانسان
تتغير فيه حاجات من غير ما ياخد باله

تنكسر جواه حاجات جميله وكل مره يقول معلش حصل خير.ويفتكر انه نساها وبعد فتره يرجع يلاقى نفسه مش عارف نفسه
من كتر الجراح اللى جواه اللى كان بيحاول يخفيها ويقنع نفسه انه نساها وانه أقوى منها وانه حاجاااااات كتير وكلها مش فيه0

لا ومش بس كده ده يفضل يدور على ألف وسيله تقنعه انه قوى وان اللى حصله ف الدنيا ديه ولا حاجه
ويمسك كتاب لابراهيم الفقى ويكرر معاه أنا تمام 00أنا قوى00 أنا مفيش حاجه تكسرنى وطبعا لازم يقول الكلام ده خمس مرات عشان العقل الباطن يقتنع حيث انه لايستطيع التمييز بين الوعى واللاوعى وحاجات كده بيقولوا عليها0
وبعدين يلاقى نفسه أضعف من ورقه شجر فى فصل الخريف مش مستحمله شويه هوا يطيرها من مكانها
مش لاقيه أى فرع شجره يسندها مش بتحاول تقاوم من كتر ما محاولاتها فشلت من كتر مانكسرت حاجات جواها وهيه برضه مش مصدقه

مش لازم دايما نبان أقوياء ونفضل نشيل جوانا ونتحمل فوق طاقتنا تحت مسمى اسمه القوه لان من غير ماناخد بالنا هنتغير من جوانا
ومين عارف هنقدر نرجع زى ماكنا ولا ولا !!!!!!!!

أحلى الأوقات

وماله يا بشمهندسة

و ماله اكل العيش مش عيب
الرزق يحب الخفية ...
كلام عادي بنسمعه كل يوم بس بيكون جميل طول ما هو بعيد عننا

اول ما يخصنا نقول لأ وكرامتنا يجلها حالة حساسية مزمنة

احنا بنات حاسوبيات ماشي ...
و بعدين .. لينا في البهدلة .. و المشاكل المعهودة في البحث عن عمل
فيه حل صدمني لما سمعته من حد قريب مني ...
قال: طبيعي مش هاتلاقي شغل بدل ما تقعدي في البيت زي قلتك ..

(وزارة التربية والتعليم ربنا يكرمها اضافت مادة الكومبيوتر في المجموع على
الاعدادي والابتدائي
روحي يا بنتي اعمليلك مجموعتين ولا اشتغلي في معهد دروس خصوصية..
تاكلي عيش ..على ما يجيلك نصيبك ..)

اتقالتلي كدا ......
قمة الصدمة ........ والواقعية .....
هل بعد كل دا ها ترسى اني اشتغل مدرسة (خصوصية )

مش عارفه بصراحة ..حبيت اسألكو انتو رأيكو ايه ؟؟
القبول ,الرفض ,مجاراة الامور على اي وضع

___________

Hadel

النيك نيم

ازيــــــــــكـــــــم يـــــــا ال حاســـــــــــــبـــــــــــــــــــات

وحشتونى مووت انتم والبلوج الجميل بتاعنا
بمناسبه النجاح والنتيجه وربنا يوفق الجميع ان شاء الله

انا ملاحظه ان الاغلبيه العظمى وانا واحده منهم داخلين بنيك نيم
اكيد كل نيك نيم له معنى عند صاحبه ؟
اسم دلع ..... اسم شخصيه كرتونيه ( زيى انا ) ...

النهارده وفى التوبيك ده هنعرف معنى كل نيك نيم بالنسبه لصاحبه ايه ؟ وكمان انا طماعه عايزه اعرف ليه اختار الاسم ده ؟؟

هبدأ بنفسى

SimbaGirl
نسمه قالت انه عاجبها النيك نيم ده وبيفكرها بأفلام ديزنى .....
النيك نيم بتاعى مقسم لجزئين
Simba

واللى بيتفرج على كرتون عارف ان ده اسم شخصيه كرتونيه (أسد)
الاسم ده بيمثلى جزء كبير من شخصيتى اللى انا بعتبرها أسد فى قوتها وكمان أسد فى كونها ملكه مش معنى كده الغرور لا ملكه فى احترامها لمبادئها وشخصيتها
Girl

ده لانى فى الاول وفى الاخر مهما كنت دايسه فى الدنيا بقلب جامد انا بنت فيا الضعف زى اى بنت

ليه اخترت الاسم ده ؟؟

اولا علشان انا زى Simba اقدر اتعايش مع كل الناس ببساطه وهدوء لكن وقت ماحد يهدد حياتى وملكى بكون اسد بجد
وثانيا لان النيك نيم ده امتداد للاسم اللى يعرفه البعض Lion
وكمان انا بكتب تحت الاسامى دى ......

على فكره انا ليا اسامى كتيره اوووى بين اصحابى
فى ناس بتقولى رشيده
وناس بتقولى بندق
وناس بدلعنى بتقولى ايمى

بس بجد انا بحترم ( Lion )

وبحب (SimbaGirl )
يلا بقى عايزه اشوف علماء نفس بتحلل النيك نيم بتاعها اللى هوا عنوان لشخصيتها D: D:

اتوصيت بالخط الكبير علشان منى

(:

سلامى للجميع

************

Eman

مبــــــــــروووووكـــــــــ

السلام عليكم ..

طبعا دى أول مرة فى حياتى أكتب بوست فى بلوج لأنى معنديش هواية انى اكتب وكده :D
المهم .. طقت فى دماغى بقى أكتب النهارده ..مش عشان عايزة اكتب لأ ..عشان الحاجة اللى هكتب عنها تستحق بجد انى اكتب واليوم ده يتسجل عندنا :)

فى يوم الأربعاء الموافق 2009/3/4 ... فى محاضرة تصميم لغات الحاسب ( د.سيد فؤاد ) اتأخر عن المحاضرة .. ولما رجع قالهم انه كان بيرفع النتيجة او بيعمل حاجة فى نتيجة سى اس ... المهم وراح قايل ال 5 الأوائل على قسم سى اس :D

وإذ كانت المفاجأة بقى ... الأولى طلعت مييييييييين ... سارة رفعت "سيكو" :D
أنا مكنتش فى المحاضرة معاهم ولا حاجة :D بس بجد فرحت جدا لما عرفت الخبر ده ... تستاهلها بجد وبجدارة ... ...ماشاء الله .. ربنا يحميها ويكرمها :-*

شوية عن سارة نفسها بقى ... طيبة جدا مبتبخلش عن حد بأى حاجة ...بتعمل حاجتها فى صممممت ...دماغها وتفكيرها فى الحياة عموما بجد بيعجبنى جدا جدا .. ولو مين قالها ايه .. يبقى يتأكد مليون فى المية كده ان الكلمة او الحرف ده مش هيطلع برا ...هى كلها على بعضها فيها حاجة كده مختلفة مش عارفة هى ايه :)..ربنا يكرمك ويخليكى ياسارة :)

مشفتش فيها عيوب إلا حاجة واحدة وقلتهولها قبل كده :P ...

بس مليش دعوة مش عايزين حاجة سقعة بس .. عايزين عزوووووومة ولا ايه رأيكوا ؟! :P :D

بجد ألف مليون مبرووووووووك يا سارة ..عقبال كل ترم ان شاء الله ياحبى >:D<

ومبروك لكل آى تى .. وعقبال كل الناس فى سى اس وآى اس ان شاء الله :)

يلا سلام :)

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

baby

الحنان

بيقولوا ان ربنا سبحانه وتعالى يوم الحساب هايكون احن علينا من حنان قلب الام على ابنها

 

يعنى ربنا سبحانه وتعالى عرفوه بالحنان 

وربنا زرع الحنان فى قلب الام وزع الحنان برضه فى قلوب الناس بس مش كل الناس طيبه وفيها الحنان

 

بعض لبنات طبيعى حتى لو ماكانش فيهم الحنان المطلوب لما بيبقوا امهات بيتحس فيهم التغير ده وبيبقوا اطيب واحن كتير

 

عشان ربنا خلقهم كده 

بتهيالى برضه الحنان مش صفه مكتسبه او صعب اوى تكون صفه مكتسبه 

الحنان نعمه بيزرعها ربنا فى عباده ودرجه الحنان بتختلف من انسان للتانى  يعنى ممكن اعتبر كل الناس طيبين او

اقول

عليهم 

طيبين لكن مش بقصد بالكلمه دى الحنان المطلق

الحنان المطلق اللى هو ايه بقى او نعرفه فى الناس ازاى :

- الناس اللى مابتجرحش حد ولا بضايقهم خوفا بس على زعلهم

 

- الناس اللى بتحاول تسعد اللى حواليها وخلاص 

- الناس اللى بتعطى من غير ماتستنى اى حاجه

- لما تحس ان اللى قدامها محتاج اى حاجه يوفرهاله من غير ماهو حتى يطلب

- ناس تحس انك مطمن ومبسوط وانت قاعد معاهم 

- تحس ان هما بيحبوك فعلا وممكن يعملوا اى حاجه عشانك 

 - ممكن يتحملوك فى اى وقت  على الرغم من انهم مش ملزمين بكده بس سبحان الله ربنا خلقهم كده

- ناس مابتردش الاهانه بالاهانه مش عشان اى حاجه غير ان برضه سبحان الله هما كده واتعودا على كده

- ناس احب اتعايش معاهم جداا فى اى حاجه وديما احب اتكلم معاكم واحب دايما اخليهم يضحكوا 

- احبهم لانهم بيسعدونى ومهما زعلت افتكر مواقفهم الكويسه معايا واللى بتنسينى اى حاجه زعلتنى 

- احاول اقدملهم اى حاجه وبرضه الحنان مابتعوضش الا بالحنان 

- هما  كتير وموجودين فى حياتنا كلنا وممكن يكونوا فى حياتى والحمد لله اكتر

- ممكن يكون اسعد وقت فى حياتهم لما يشوفوا منك حاجه كويسه لو حتى موقف صغير

 

- بكلمه حلوه ممكن تملك قلبهم ولو رميتهم بجمل الغضب مايقدروش يعملوا حاجه غير انهم يسكتوا 

- ناس الكلام مش هايخلص عنهم  بس برضه الكلام فى الاخر كلام

 نهايه الموضوع :

كل واحد فينا يفكر  فى الناس الطيبين اللى فى حياته (وانا اقصد الطيبين الطيبين مش اللى من الظاهر طيبيبن وفى قلبهم

قساوه الدنيا )

لو كلمه واحده حلوه  قلتهالهم هايفرحوا بيها 

ربنا يهدينا جميعا 

_________________

ِ

Angel

ِ

ِ

ِ

عاشقى اللف والدوران

السلام عليكم ورحمة الله وبركاته

معرفش ليه عندى احساس فظيع انى واخدة البلوج ده لحسابى وعلشان كدة
قررت انى اعمل موضوعين ورا بعض على غير العادة
الاحساس طبعا مش صحيح بالمرة هو بس الموضوع ده اتكرر معايا كذا مرة وخنقنى بجد
واكيد حصل معاكوا فااستاذكوا فى الموضوع ده....

نسيبنا من المقدمة الهبلة دى لان واضح انى بتكلم وبرد على نفسى والتهييس واخد حقه معايا
المهم كان عندى اعتقاد مقتنعة بيه لحد تلات اربع ايام فاتوا ان البنات مش بتحب اللف والدوران
على عكس الولاد مع اعتذارى الشديد لاى ولد يقرا الموضوع ده .. الا انى للاسف اكتشفت ان
فى من البنات اسوء فى حكاية اللف والدوران دى ومن هنا اقدر استنتج
ان اكيد فى ولاد بردو مش بتحب اللف والدوران
هنا بقى اسحب اعتذارى لانى يعتبر رجعت فى كلامى ^_^ بالنسبة ان كل الولاد بتحب اسلوب اللف والدوران


مش هاتكلم عن موقف البنت لانها كانت بتلف وتدور فى فلك موضوع بعيد ماكنش له لازمة
فى الوقت الحالى ومش حاطاه فى دماغى ومش عاوزة الخمكم بيه
لكن لما حد يتكلم بالاسلوب ده معاكى وعارفة هو عاوز ايه وعاوز يعرف ايه
وانتى طبعا مش هاتقدرى تقوليله قصر وهات من الاخر وانا اقولك المفيد واللى عندى
هاتضطرى تجاوبى على اسئلته من سكات وانتى مخنوقة منه
وطبعا انا مش بحب اسلوب الخنقة ده فبوصل بيه لطريق مسدود يااما يقول اللى عنده ويلخص
يااما مش هاياخد اجابة صريحة وكانك ياابو زيد ما غزيت زى مابيقولوا
هو كدة فى ناس تحب توصل لغيرها من الطريق الصعب

علشان كدة اسلوب الصراحة ده بعشقه ايمان قالت
انى توئمها " دبش" فى الكلام وصراحتى زيادة شوية لو الصراحة فى زمنا ده دبش
ايوة بعترف انى كدة معلش اى حد عاوز يقولى حاجة ينتقدنى فى حاجة
يقولها فى وشى مايلفش حوالين الموضوع ويخنقنى معاه والا على مايوصلنى
للى عاوزه منى ممكن يكون ردى عكس اللى كان ممكن اتخذه معاه فى الحالة التانية

اكيد ناس قابلوكم كدة ...... ماعلينا

فى امان الله
" Mirage "