و ماله اكل العيش مش عيب
الرزق يحب الخفية ...
كلام عادي بنسمعه كل يوم بس بيكون جميل طول ما هو بعيد عننا
اول ما يخصنا نقول لأ وكرامتنا يجلها حالة حساسية مزمنة
احنا بنات حاسوبيات ماشي ...
و بعدين .. لينا في البهدلة .. و المشاكل المعهودة في البحث عن عمل
فيه حل صدمني لما سمعته من حد قريب مني ...
قال: طبيعي مش هاتلاقي شغل بدل ما تقعدي في البيت زي قلتك ..
(وزارة التربية والتعليم ربنا يكرمها اضافت مادة الكومبيوتر في المجموع على
الاعدادي والابتدائي
روحي يا بنتي اعمليلك مجموعتين ولا اشتغلي في معهد دروس خصوصية..
تاكلي عيش ..على ما يجيلك نصيبك ..)
اتقالتلي كدا ......
قمة الصدمة ........ والواقعية .....
هل بعد كل دا ها ترسى اني اشتغل مدرسة (خصوصية )
مش عارفه بصراحة ..حبيت اسألكو انتو رأيكو ايه ؟؟
القبول ,الرفض ,مجاراة الامور على اي وضع
___________
Hadel
12 comments:
لا طبعا :)
انا اصلا بكره مهنه التدريس وبكره كليه تربيه ولو كان ايه هوافق :D
انا قصدى مش هوافق :D
الرفض بالتلاتة!!!
Dina
BooDy
بجد رفعتو معنوياتي
شكراااااا
ميين فيين ازااااي
لا طبعااااا ده مش حقيقه
ليه لأ؟؟؟؟؟؟
مش عيب ولا حرام .
وخاصة انه ممكن ينفع جدا بعض البنات اللى ظروفهم العائليه ماتسمجش ليهم انهم يروحوا يشتغلوا فى شركات full time
والتدريس عمره ماكان عيب او حرام , كلنا ماوصلناش للى احنا وصلناله الا بفضل مدرسين ومدرسات كانوا بيدرسوا لينا.
والجديد بقى انى اعرف اكتر من واحد خريج كليتنا شغالين ف الخليج مدرسين حاسب سواء فى مدارس او معاهد .
انا عن نفسى مش شايف فيها اى حاجه عيب
لأ ياهديل طبعا :(
انا واحدة من صحابى برضو قالت كده قبل كده ...بس انا اصلا بكره انى اقف قدام حد واشرح ( مستحيل بالنسبة لى ) :|
هقف وأدرس كمااان ؟؟!!
لأ طبعا :|
وايه المشكله؟؟؟
كلنا بيحاول يشتغل فى تخصصه
واكيد طبعا بيحاول
لكن ايه المشكله انه يدور على نفسه على الأقل لغاية لما يلاقى الفرصه؟؟؟
شكرا يا جماعة على
اراءكم ووجهات نظركم
بجد شكرا ....
أولا..قبل..الابتسام..سخرية..الموضوع
بسيط..التعليم..مهنة..إنسانية
كون..مجتمعنا..بيبص..عليها..إنها..حاجة
مش..حلوة..لأنه..مجتمع..محتاج..يتطور
جربي..والتجربة..هتولد..خبرة
والخبرة..هي..الشيء..الذي..تحتاجيه
في..أي..مجال
لا طبعا
مين هيحترم حاله وهو شغال مجرد مدرس خصوصي
ممكن اقولك اشتغلي مدرسة كمبيوتر اه
في مدرسة خاصة اه
في مركز كورسات اه
لكن بالحصة او خصوصي
اعدي في بيتكم احسن وبلا مرمطة
بخصوص الموضوع بتاعي اللى نشرته وانتي بتقولي انك عوزة تنشريه
طبعا هكون سعيدة انك تنشريه سواء في ميل سواء في الفيس بوك
وفي اي مكان
الدال علي الخير كفاعله
وربنا يكرمك ويعزك
انا بقالى كتيييييير مدخلتش البلوج
ودخلت انهاردة شوفت الموضوع دة
بجد هو بالنسبة لمدرسة خصوصية لا طبعا
مينفعش لانها حاجة مش ثابتة ومش هتدوم وانا عارفة الموضوع دة كويس جدا لانى معاشراة وعارفة يعنى اية دروس خصوصية بس
اما لو بالنسبة لانك هتشتغلى فى مدرسة ويبقى وظيفة حكومية تتثبتى فيها فدة مفيش مانع
والدى قاللى نفس الكلام وخصوصا ان التربية والتعليم عندها وظائف خالية كتييير لمدرسين الكمبيوتر وبتقدير جيد او اكتر
ودة طبعاااااا يكون حاجة مؤقتة لحين متتأهلى لانك تشتغلى فى شركة كويسة
واهو بالمرة تستغلى مرتبك فى حاجة كويسة كورسات اومنح او شهادات علشان اما تتقدمى لاى شركة
وبالتوفيق للجميع
على فكرة الحل دة اعتقد للبنات فقط
إرسال تعليق