السلام عليكم ورحمه الله وبركاته
ازيكم يا ال حاسبات
طبعا العنوان غريب اووووى
بس انا قصدته بصراحه !!
هنتكلم فى نقطه مهمه اوووى جداا
بما اننا هنا بنات حاسبات
يعنى هنكون فى يوم امهات المستقبل
طب ياترى هتربى بنتك ازاى ؟؟؟
الرد السريع زى ما انا اتربيت ؟؟؟
طب وانتى اتربيتى ازاى ؟؟
هتبلم شويه وبعدين هتقول على القيم والمبادىء
طب انا بجد مقصدش كده ؟؟؟
انا اقصد هتربى بنتك على انها بنت ولا راجل ؟؟
انا بتكلم عن تجربه عشتها
انا اتربيت على انى رااجل
اتعلمت رياضه عنف اتعلمت كاراتيه ؟
رياضه أثرت فيا كتير فى طباعى وتفكيرى للاسف
بقيت جريئه زياده اووى
وبتعامل اوقات كتير على انى ولد
حتى كنت بلبس لبس ولاد
لحد ما اتغيرت
اه التزمت فى لبسى والى حد ما هديت شويه
لكن كل شويه بسأل نفسى
هوا انتى لو اتحطيتى فى موقف صعب كأم هتتصرفى على اساس انك أم ولا أب؟؟
بجد مش عارفه
انا عن نفسى رغم انى الى حد كبير مقتنعه بتربيتى وبالظروف اللى جت فيها
لانى الاخت الكبيره وكلنا بنات ومعندناش أخ ولد
الا انى معتقدش انى هربى بنتى على انها رااجل
انا هربيها على انها بنوته ولكنها بنت جدعه
تتصرف برجوله
ولكنها مش رااااااااااااااجل
أتمنى انى اشوف ردود تفهمنى اذا كنت انا صح ولا غلط؟؟
____________
SimbaGirl
Eman
3 comments:
امممممممممممممم
جميل انك حسيتي احساس الامومة ده
والاجمل انك تحاولي بجد فعلا انك تدوري على سعادة اولادك
لان فعلا الولاد .. وخصوصا البنات بيبقوا متعلقين بامهم لحد اما بيتجوزوا
وبعد الجواز كمان .. ولما بتجيب عيال كمان
:)
كلنا نفسنا ان ولادنا يطلعوا احسن مننا
واول الطريق ده التربية الصح من صغرهم .. الحاجات اللي هتعوديهم عليها , واللي هيشوفوكي بتعمليه هيعملوه
...
انا معاكي في تربيتك لبنتك .. وانا بصراحة مش شايف اي غلط في اللي هتعمليه .. بالعكس دا صح جداا
...
ان شاء الله نشوف كل بنات حاسبات امهات كده وبيشيلوا المسؤلية
ويربوا اولادهم احسن تربية .. بس من غير ضرب
:lol:
سلااااااام
:)
موضوع جميل جدا
طريقة تفكيرك كويسه
بس فى سؤال هو احنا فعلا اتربينا بطريقه سليمه؟
فى فرق شاسع بين جيلنا و جيل اهالينا حتى التطور التكنولوجى زاد المسافه بيننا
بس اللى عمره ما هيتغير هو العادات و التقاليد اللى "صح" لان احنا اتعلمنا حاجات غلط
يا رب ما نكررها مع اولادنا
اكيد كلنااا عايزين ولدناا يكونوا احسن مننا
بس هلى فينا وحده دلوقتى نقدر نقول عليها تقدر تتحمل مسؤليه ؟؟
معتقدش
فى واحده فينا ممكن تكون زى امها
فى حنانها وطيبيتها وحكمتها وعقلها وقلبها اللى بيحس بيكى قبل ما تقولى مالك وشيلها لهمومك
انا ممكن الاخت الكبيره وبقنع نفسى انى لحد ما اقدر اشيل المسؤليه!!
لكن انا دلوقتى عندى 20 سنه يعنى خلاص المفروض ان احنا بقينا كباار
برده مهما كبرناا لسه فينا اخلاق الصغيرين
انا مش بتكلم عن نفسى وبس
طبعا مكنتش دى القضيه اللى اتكلمنا عنها قبل كده
بس متهيألى موضوع القضيه الرئيسيه هيا التربيه الصحيحه
وأتمنى فعلا اننا نقدر نربى اولادنا احسن مننا
ومش ننقل لهم كل الحاجات الغلط اللى اتربينا عليها
لان مفيش حد اتربى بطريقه صحيحه 100% اكيد فى بعض القصور هحاول اعالجها فى ولادى وقصورى فى تربيه ولادى ولادى يعالجوها فى ولادهم
وكذلك
شكرا على مرورك يا اسلام
وعلى مرور الاخت روان
إرسال تعليق