السلام عليكم ورحمه الله وبركاته
النهارده انا داخله اتكلم عن موضوع مهم اوووى
"التعصب"
التعصب فى التعامل
التعصب فى الدين
التعصب فى حياتك نفسها
التعصب فى الكوره
التعصب فى كل شىء
اولا التعصب معناه من الاخر ومن وجهه نظرى التشدد فى اتجاه الاشياء وعدم النظر لوجهات النظر الاخرى
من الاخر رأيك هوا اللى صح واللى مش معاك يبقى ضدك
التعصب ده مخلينا ارهابيين قدام العالم كله
يعنى وبجد السبب اللى لقيته مخلى صورتنا وحشه كعرب قدام العالم هوا التعصب
ما ايام الرسول المسلمين كانوا ملتزمين بس مش متعصبين
ودى النقطه الفيصل فى موضوع التعصب
ثانيا ليه تكون متعصب ؟
ايه وجه الاستفاده من كونك بنى ادم جامد
مش بترضى بكتير من وجهات النظر الاخرى
يعنى الاهلاوى لازم يكره الاسمعلاوى!!!!
طب ليه ؟؟
كل واحد يشجع فريقه من غير ما يتعرض للتانى
طب ما انا اهلاويه واهلاويه صميمه جدااا
بس من غير تعصب ولما الزمالك بيلعب باسم مصر لازم اشجعه مفرحش فى هزيمته لانه فى الاخر فريق مصرى
دى حاجات بسيطه عن التعصب
انا جيت اسئل ليه احنا من جوانا متعصبين ؟
ليه منغيرش من ده علشان نحسن صورتنا قدام العالم
وياااريت لو حد عنده حلول سريعه وفعاله لموضوع التعصب يقولها؟
بس
يلا سلامى للجميع
______________________
SimbaGirl
Eman
4 comments:
الست اللي فوقنا بتنشر غسيل مغسول بمسحوق "تايد"
و أنا بنشر غسيل مغسول بمسحوق "اوكسي"
فأنا لما ألاقي الست اللي فوقنا بتمدح في تايد زيادة عن اللازم ...
بضطر أمدح في اوكسي
بره مصر ... الناس بتزهق .. و بيبطلوا يمدحوا اوي كدا
في مصر ... بيمدحوا أكتر
و من هنا نشأ مفهوم التعصب
(من التايد و الأوكسي)
الحل الوحيد ان اليوزر بتاع التايد يقول لليوزر بتاع الأوكسي ان الأوكسي ده بجد جامد
بس المشكلة في مصر كمان بقى
ان بتاع الأوكسي كدا ممكن يتمادى فيها ... و يقول الجملة المستفزة جدا "أنا مش قلتلك من الأول؟؟ نفسي تقتنع بكلامي مرة من الأول بقى!!"
و بالتالي بندخل في مشكلة تانية
و الموضوع في الآخر بيتطرق لمشاكل تانية أهيف من دي بكتير :)
ميرسى اوووى على مرورك الجميل
ممكن فعلا تيجى حكايه التعصب من حاجه هايفه جداا زى اللى ذكرتها فى مثالك
طب بس ايه الحل ؟
هنعيش فى عالم جامد بيتعصب لرأيه وبس ؟
رافض اى رأى تانى ؟؟
بجد انت حطيت ايديك على أن ممكن التعصب ده ييجى من أتف الاسباب الا وهى مسحوق الغسيل ههههه
بعيداا عن منشر الغسيل اللى فوق ده :)
"انا جيت اسئل ليه احنا من جوانا متعصبين ؟"
لاننا مش بنسمح بفكره ان ممكن اننا نكون بنتكلم غلط وان ممكن حد يصلحلنا أفكارنا يعنى"أنا كده وده رأيى ومش هغيره "
"يه منغيرش من ده علشان نحسن صورتنا قدام العالم؟"
ياريت نقدر نعمل ده على الأقل لو مقدرناش نجتمع على كلمه واحده هيبان ان احنا لينا اراء مختلفه لكن جميعها يحترم .
"ياااريت لو حد عنده حلول سريعه وفعاله لموضوع التعصب يقولها؟"
ان احنا نتعلم نسمع الأول يعنى مش أدخل ف الموضوع طخ كده مره واحده لا أسمع الناس بتقول ايه الأول يمكن الاقى رأى يعجبنى واتفق معاه .
أكون مقتنعه ان اى انسان معرض انه يكون مخطىء فى وجهه نظره وان لو حد صححهالى يبقى كده مش بيهينى انما بيعلمنى .
ان لو حد شاف وجهه نظرى غلط أو تفكيرى ف موضوع معين يوعينى بأدب وبحكمه وبلباقه انما مش يقولى انتى غلطانه اتعلموها بقى شوفتى ان انا صح
وانتى كنتى غلط والكلام اللى ينرفز ده .
لما أدخل مناقشه لازم يكون عندى استعداد واللى قدامى عنده نفس الاستعداد لتغيير وجهات نظرنا
انما من الأول كده لوانا داخله مش ناويه اقتنع بكلام اى حد يبقى ده جدال وتضييع للوقت ويبقى اخرج من الموضوع بهدوء أحسن .
بس أنا برده شايفه ان تايد أحسن من أوكسى هههههه يلا بقى :)
شكرا يا ايمان على البوست الجامد
سلام
ميرسى على مرورك الجميل يا يسرا
إرسال تعليق