السلام عليكم ورحمه الله وبركاته
وحشتونى كتير يا ال حاسبات
وحشتونى كتير يا ال حاسبات
ووحشنى اووى البلوج بتاعنا
انا النهارده داخله اتكلم عن طعم البيوت مش اغنيه محمد منير وبس
بتكلم عن حاجات حلوه بنحسها ولقيت ان البلوج هنا انسب مكان ليها
لانه بيجمعنا كلنا حولين فكره.. موضوع ..مناسبه
النهارده عايزه أعرف ؟
هل البيوت ليها طعم ؟
اكيد طبعا بيتنا له طعم مختلف
طعم الأمان اللى بلاقيه فى بيتنا
طعم الأمان اللى بلاقيه فى عيون أمى
الاحساس بالراحه
بيتنا كله له طعم مختلف
وخصوصا أوضتنا
اه أوضتنا المجنونه اللى فيها كل حاجه بتعبر عن شخصياتنا أنا واخواتى
اوضتنا اللى شافت أيام فرحنا وأيام زعلنا
عارفين ان امى لها شكل وطعم مختلف فى بيتنا وبرا بيتنا !!
اه والله
أمى فى بيتنا بحس فيها بالامان والراحه
برا بيتنا برده اكيد بتكون كده ليا لكن الطعم مختلف
لانى مش بحس بالأمان بره بيتنا
من الاخر بيتنا بالنسبه ليا
طعم الأمان والذكريااات وايام الكوره والماتشات والشعر واللعب والهزار و ال 3 بنات والمذاكره وتعب الليالى وسهر الامهات وحزم وقوه الابهات بيت أمان وحنان
أنت بقى بيتك بيمثلك ايه ؟
طعم بيتك شايفه ازاى ؟
اسيبكم بقى مع اغنيه محمد منير طعم البيوت
أحلى حته بتعجبنى فيها
جدران بتحضن جوا منها قلوب كتير
وأبواب بتقفل ع الجناينى وع الوزير
شباك موارب من وراه واقفه الصبايا
قضوا النهار فى الوقفه قدام المرايا
أسرار كتير على دى البيوت
فى الشارع الطيب ياناس
ميبنش منها غير اللى يطلع منه صوت
Eman
SimbaGirl
2 comments:
طعم البيت يعنى الدفا والامان الطفوله والشقاوه صوت المنبه عشان المدرسه ريحة الاجازه اللعب والتنطيط الصحاب والعيد واللبس الجديد ريحة اكل ماما اللى بيجبنى من عالسلم وصوت سلسلة مفاتيح بابا وهو بيفتح الباب وانا اجرى وافتح قبله
يااااااااااااااااااااااه طعم البيت احساس جميل
انتوا كمان طعم بيتكم ايه؟
ايون صح وبيبقى طعم البيت وحش اوى لو حصل ظروف مثلا وقعدتى فى البيت لوحدك مفيش اوحش من كدا
خدى عندك بقى كم الاحباط والاكتئاب والكسل والقرف اللى ممكن تعيشيه فى الساعات دى
يابنتى الام دى مدرسه :D فى كل حاجه فى الحنان والتربيه الصح وتأهيلك بقى للحياه اللى بعد كدا والكلام الكتير ده
هاتى بوسه بقى :*
إرسال تعليق