السلام عليكم ورحمة الله وبركاته
من العنوان كدة محدش يفكر يضرب او يرد الا لما يقراها للاخر انا بقولكوا اهوه
و الشعر ده لمؤلف اسمه احمد فؤاد نجم ...... وطبعا منقول
بحبك يا ريس
وحبك يا ريس
معكنن عليـــــة
مقطعلى قلبى
مطلع عنيــــة
سيبونى فى حالى
وبيا اللى بيـــــــة
دا كل اللى لية
محرم عليـــــة
عشان حاجة واحدة
عشــــــانك يا ريس
بحبــــــــــك يا ريس
دى كلمة قالوها زمان
من ســـــــــنين
وكل اللى قالها
مطـيـن بطـيـن
يا سارق فلوسنا
يا كاتم نفوسنا
يا واكل عرقنا
برجلك دايسنا
ولســـــه بحبك
واحب اللى حبك
وباحلف هاحبك
واحب اللى جابك
فى يوم اغبر
علينا ريس
مبارك يا ريس
عليــــك البــــلد
لابنـــك وابنــــه
وولد الولد
سوزانك سوزانا
جمالك جمالنا
علائك علائنا
وبكرة وبعده
وطول الامد
غبــــاءك يا ريس
ملوش حل خالص
وسايق ف الهبل
وكلامك هجايص
ولولاك يا ريس
مكنشى دا حالى
وحال كل مصري
مدروخ ولايـص
قالوا العيشة حرة
وهي العيشة مرة
ومش مـــر عادي
دا صبرك يا ريس
ممرر بلادى
واسعار بترفع
مأتنزلش مرة
وباين علينا
هنطلع لبرة
رغيفك يا ريس
بيصغر ما يكبر
وسعره يا ريس
بيرفع ماينزل
سألنا دا ماله
قالولنا الحديد
وايه العلاقة
بسعره الجديد
تكونش يا ريس
لغيت الدقيق
وبتطحن بداله
برادة حديد؟
مهو انت اللى عارف
وسامع وشايف
جمالك قشــطنا
وعز اللى خاننا
وولـــع بلدنا
برفع الحديد
ماتصحى ياريس
وصحى البلد
هنبقى يا ريس
كمالة عدد
ف وسط العوالم
وشعبى اللى هايم
وكبته اللى دايم
وقرشه اللى عايم
هنبقى يا ريس
كمالة عدد
واقولك واعيدلك
لانى بحبك
نصيحة فصيحة
نصيحة مريحة
لبلدى وبلدك
ماترحل يا ريس
ليه دايما متيس
ودايما مهيس
مترحل بقى
وخد لي ف وشك
جمالك .. مش باغشك
علائك .. سوزانك
شريفك .. سرورك
نظيفك .. كمالك
وعزك .. دا خانك
خدهم وانصرفوا
أشـــتاتآ أشتوت
خدهم وانصرفوا
لحسن حانموت
ارحل بقى
ارحل بقى
مترحل بقى
لو المدونة دى اتبلغ عنها انا مش مسئولة ماتعرفونيش اوك؟؟؟؟
والحكاية كلها نصيحة بتتوجه لريسنا العزيز هههه
"" Mirage """
فى امان الله
7 comments:
ههههههههههههههههههههههههههههههههه
جاااااااااااااااااااامدة جداااااا!!!
:D :D
كلنا بنحبك يا ريس!!
هههههههههههههههه
خشرتووووووووووووووف :lol
هاتقفلولنا المدونه ههههههههههه
هما يحبوا الريس وانا احبك يا نسمه :P
استمرى كده لحد ماتولعنا المدونه
ههههههههههههههههه
عسل وربنا :-*
نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده فى ايده الخلاص
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
لكن يعني ما دمنا شعب انتساب
و دايما وأبدا فى حالة غياب
متعملش لينا يا ريس حساب
دي عزبة سيادتك و فيها أنت حر
و دستور ما دستورشى مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
و ايه يعني تهري جتتنا البلاوي
يوماتي كوارث، فضايح، رشاوي
كفايا علينا القعاد في القهاوي
بنستنى لما الوريث ييجي دوره
سورى على الاطالة لكن فؤاد نجم بدع
موضوع رااااائع
انا معرفكوش لو حد بلغ
هههههههه
جامدة جدااا
##################################
هشتكنا وبشتكنا يا ريس , دانت رئيس والنعمه كويس , يامدلعنا يا مشخلعنا قول لعدوك قوم اتليس , هشتكنا وبشتكنا يا ريس
##################################
LOOOL oh my god gmda awi bgad !!!!!!
bgad this made me LOL..
thanks for sharing !
يلا يا بنى انت وهو خدلنا مقاسات المدونه دى عشان نجيبلها امر ازاله
:D
إرسال تعليق