السلام عليكم ورحمة الله وبركاته
امبارح كان اول يوم فى السنة الجديدة احتفالنا بيها على المنتدى والفيس بوك ومعظم البلوجات
لكن يومنا كان بالنسبة للبعض كان مايعلم بيه الا ربنا والبعض الاخر كان كويس ومنهم انا والحمد لله ....
.... كنت من اسعد الناس امبارح بالرغم من ان كان عليا امتحانيين شفوى اساليب بحث وعملى داتا بيز
بس كان يوم تحفة راكبة الاوتوبيس 7.30 الصبح ورجعت بعد صلاة العصر
مميزات اليوم زيادة على انه بداية لسنة جديدة وكان الكل بيتمنى لبعضه الخير والسعادة وتحقيق الامنيات ..
.. كنا وبلا فخر محتليين المبنى تلات اقسام فى نفس الوقت بيمتحنوا مواد مختلفة
الجوريزمات "علوم حاسب" ... داتابيز شفوى " تكنولوجيا معلومات" ... امتحانين تانيين لينا قسم نظم معلومات
كل مجموعة على باب مدرج او معمل .... وفى اللى مستنى الفرج على ماالزحمة تخف ومنهم انا ^_^
اليوم كنت مقضياه شوية مراجعة والباقى رغى وهزار وتغليس على البنات التانية ماهى كانت فرصة بقى
ومعلومة مهمة جدا عرفتها ان صفا هى سارة وطلعت تمام زى ميادة مش بتحب بت ولا به والكلام ده
بس بقى ماتحاوليش ...... واسالى مجرب ...... بجد بتبقى غصب عنى
المهم انا كنت عاوزة اسجل حاجة عن اليوم ده ........ ,كل سنة وانتم طيبين وربنا يوفقكم
لو كانوا خيرونى اكون فى اى دفعة من كل دفعات الكلية ........... كنت بردو اخترت دفعتنا
فى امان الله
" Mirage "
امبارح كان اول يوم فى السنة الجديدة احتفالنا بيها على المنتدى والفيس بوك ومعظم البلوجات
لكن يومنا كان بالنسبة للبعض كان مايعلم بيه الا ربنا والبعض الاخر كان كويس ومنهم انا والحمد لله ....
.... كنت من اسعد الناس امبارح بالرغم من ان كان عليا امتحانيين شفوى اساليب بحث وعملى داتا بيز
بس كان يوم تحفة راكبة الاوتوبيس 7.30 الصبح ورجعت بعد صلاة العصر
مميزات اليوم زيادة على انه بداية لسنة جديدة وكان الكل بيتمنى لبعضه الخير والسعادة وتحقيق الامنيات ..
.. كنا وبلا فخر محتليين المبنى تلات اقسام فى نفس الوقت بيمتحنوا مواد مختلفة
الجوريزمات "علوم حاسب" ... داتابيز شفوى " تكنولوجيا معلومات" ... امتحانين تانيين لينا قسم نظم معلومات
كل مجموعة على باب مدرج او معمل .... وفى اللى مستنى الفرج على ماالزحمة تخف ومنهم انا ^_^
اليوم كنت مقضياه شوية مراجعة والباقى رغى وهزار وتغليس على البنات التانية ماهى كانت فرصة بقى
ومعلومة مهمة جدا عرفتها ان صفا هى سارة وطلعت تمام زى ميادة مش بتحب بت ولا به والكلام ده
بس بقى ماتحاوليش ...... واسالى مجرب ...... بجد بتبقى غصب عنى
المهم انا كنت عاوزة اسجل حاجة عن اليوم ده ........ ,كل سنة وانتم طيبين وربنا يوفقكم
لو كانوا خيرونى اكون فى اى دفعة من كل دفعات الكلية ........... كنت بردو اخترت دفعتنا
فى امان الله
" Mirage "
9 comments:
ههههههه وبما انى اول تعليق فاحب اقولك انك انتى اللى متحاوليش معايا واسألى ميادة مجرب بردو ههههههههه ومكنتش اعرف انك متعرفيش انه سارة اللى هو انا هيا هياها صفا اللى هيا انا بردو ويا رب يا ستى كل ايامك مبسوطة سلام يا عسل
وانا كمان مكنتش احب اكون مع دفعة غير دى *:
و
كل سنة وانتى طيبة
يااااااه يانسمه كان نفسى بجد اتكلم عن امبارح او اليومين اللى فاتوا دول بالذات
بداية طبعا اليومين دول بجد كانوا بالنسبالى مش حلويين خاالص
اول امبارح كان المفروض اننا نمتحن شفوى داتا بيز وطبعا الموضوع بيبتدى بشكل منظم ومرتب (كلام بس ) وبينتهى بفوضى والحمدلله
طبعا احنا قاعدين طول اليوم مستنيين الامتحان والدكتورة قالت هندخل بالترتيب الابجدى وكالعاده اللى بيدخلوا مافيش اى ترتيب بالمرة ..والجو بيمطر...وقربت انسى كل اللى زاكرته...وكنت شويه وهنام
كل ده وفى الاخر على الساعه 5 تقولنا انا هاروح محاضرة تانيه وتعالولى كمان ساعه عشان نكمل الامتحان او فى يوم تانى بقى....طبعا كنت مش طايقاها ولا طايقه نفسى وخصوصا ان كل الوقت ده ضاع عالفاضى لاستفدت منه انى امتحنت ولا استفدت انى روحت عشان ازاكر الامتحانين بتوع تانى يوم
جه تانى يوم وطبعا يوم حااافل لكل الاقسام.المفروض انى امتحن الساعه 10 كميعاد مكتوب فى الجدول لمجموعتى
الحمدلله امتحنت الساعه 4 (متأخرناش خالص ) كل ده وانا واقفه وكل شويه اسمع ان الناس بتاخد اصفار فى الامتحان وحاجات غريبه ...والقولون باظ..وفجأة ولاقيت جمبى خلاص هيموتنى والزايده كنت حسه انها هتنفجر وانا واقفه ...ولكن ربنا ستر
والمفروض ان امتحان الاساليب يكون بعد منخلص العملى ده
اللى حصل اننا امتحنا الشفوى وخلصنا الدفعه كلها ولسه العملى مدخلنهوش
طبعا امتحنت الشفوى ..والله اعلم انا كده اعتبر امتحنته ولا لا..لان الدكتور مكانش لاقى اسمى فى القايمه ..وكتبه كده تحت ..وخايفه احسن ميشوفوش :((
والعملى ..الحمدلله امتحنا اخر مجموعه كانت الجامعه كلها تقريبا فضت تماما
حليت كويس الحمدلله وطلعنا اكلنا تحت المطره وروحنا والحمدلله
ياااااااه ده انا طولت اوى.. تقريبا انا ردى اطول من الموضوع نفسه..بس كنت مكبوته والحمدلله قلت اللى فى نفسى وخلاص ..وبغض النظر عن كل الكلام اللى قلته بس بجد انا بجد بحب دفعتنا دى اوووووووى وبتمنى افضل معاهم طول العمر
وكل سنه وانتى طيبه ياجميل :-*
ايه ده يانسمه انا بقيت بشوفك كتير اوى الايام دى :p
والله يابنتى اكتر مناسبه مبحبهاش هى العيد الجديد ده ما علينا من الموضوع ده انا مش عارفه انا داخله ليه اصلا :d
بس فعلا وبجد بقى الحمد لله ان الامتحانات بتاعه الشفوى لحد دلوقتى تمام والحمد لله عقبال اللى جاى يارب قولى امين
بس كويس انك كتبتى البوست ده عشان نبقى نفتكر الايام السعيده دى ان شاء الله كده لما نبقى كده ... اكيد فاهمه كده ...ها ...صح بقى
وسلام يا بيه كرهتينى فى نفسى X-(
:-*
بتكلمي عن اليوم العجيب
اذن اسمحيلي بالماايك
... الووووووووووو هنا حاسبات :D
بجد اليوم ده كان خرافه كنت حاسه ان الاقسام اتجمعت تاني
كنت قلبا مع سي اس وقالبا مع اي تي واي اس
وكل سنه وانتم طيبين يا احلي بناتييييت :)
اه فعلا كان يوم حلو اوي يا نسمه
و شفنا فيه ناس كتير مشفنهاش من زماااان
انا بقى كنت عكس هاجر
كنت قالبا مع سي اس و قلبا مع اي تي و اي اس
اما بالنسبه لموضوع مكنتش اتمنى ابقى مع دفعه تانيه دي
فانا بحب الاتنين لو كان ينفع ابقى معاهم هما الاتنين
يلا حصل خيييير ما علينا
المهم اني سعيده اوي معاكوا برضه *:
ربنا يوفقنا كلنا ياااا رب
اول يوم فى السنه
بجد بلاش كلام عليه ده انا كاتبه فيه صفح
بس نفسى باقى ايام السنه تكون احسن من اول يوم فيها
ممكن الحسنه الوحيده ان دفعتنا كلها اتجمعت مع بعضها فى نفس ذات الوقت والمكان
كل سنه وانتى طيبه يا نسمه
سلام
@ صفا
خلاص ياستى نخليها للايام وهى تحكم .
ليكى حق تستغربى انى معرفش ... وكمان اصلك لاقيتينى فاجئة جايالك وبقولك " به به هو انتى صفا "
هههه كان منظر تحفة معلش اصلى كنت مهيسة بقى ... بس على فكرة دا كان تخمين وفعلا طلع فى محله
المهم سنة سعيدة عليكى ياجميل وتحققى كل اللى بتتمنيه
@ e_emy
مش كدة بردو ياايمان الصراحة ملاقيتش دفعة بتتعاون مع بعضها زينا ولا دكاترتها ومعيدينها بيحبوها زيناههههه اللى اصلا فى الكلية بتوع اى تى فاهمنى طبعا ربنا معاكو .... دا على فكرة ممكن نعتبره من رضا ربنا عننا ... يلا الحمد لله على كل شئ
وكل سنة وانتى طيبة وان شا ءالله تكون ايامها خير عليكى
@ Angel
اخص عليكى ابقى قابلينى لو شوفتى وشى بعد كدة ونشوف هاتقدرى على بعدى ازاى ههههههههه .... لا وكمان مش عارفة داخلة ليه؟؟ اوعى تكونى داخلة تفرسينى وتخرجى يابت ههههه ... ربنا يكرمك بجد ياميادة انتى من اكتر الناس اللى بحب اغلس عليها حبا فيكى والله مش كره اعملك ايه بقى
الحمد لله ان امتحاناتك الللى فاتت عدت على خير وان شاء الله الكترونيات بكرة تعدى على خير معاكم ........... (( عقبال اللى جاى)) اميــــــــــــــن
بالنسبة بقى لحكاية كده لو طلعت كده يبقى تمام كده اوى ...... وان شاء الله نكون كلنا كده .... فهماكى طبعا يابنتى هى دى تفوت عليا بردو
يابيه انتى انا ماقدرش اكرهك فى نفسك
لو كرهتك فى نفسك ممكن تعملى فيها حاجة ولا حاجة واجيب اللى اعاكس فيه منين وقتها بقى
@ bosycat
سيما حبيبة قلبى الف سلامة عليكى ياجميل واضح ان يومك كان مايعلم بيه الا ربنا فعلا المهم الحمد لله انك حليتى كويس
بصى كلامى ده ليكى انتى وايمان " نور القلب "
تعرفوا فى الفترة اللى فاتت دى كان مطلوب منى اوزع دعوات انتوا اخدتوا بالكوا منها لفيت على الدكاترة والمعيدين علشان يحضروا وكدة فى اللى اعت>ر مقدما ودول تلاتة اربعة وفى اللى قال هايجى وشكر على الدعوة المهم كنت لوحدى بوزع وكنت مصرة كل شخص اديله دعوته فى ايده مش كدة بس كان وقتها عندى الم فظيع كان تقريبا برد فى العظم بالرغم منه كنت بلف وبوزع وكنت متوقعة من تعبى ده نتيجة لكن للاسف النتيجة مرضيتش بيها لان ماحضرش منهم اى حد الا واحد بس وجه فى نهاية المؤتمر ده ... الحمد لله اصحابى جم واللى دعتهم وجه لوجه جم لكن دى حاجة تانية دى حاجة تعبت فيها والنتيجة الصراحة مكنتش متوقعة انها بالسوء ده لانى بجد تعبت المهم اشتكيت لامى لما رجعت بجد ربنا يكرمها قالتى اكيد استفدتى حاجة استحالة ماتكونيش طلعتى بحاجة من التعب ده اقعدى راجعى الموضوع مع نفسك وشوفى استفدتى ايه
ياجماعة اى ازمة تقابلكوا او مشكلة شوفوا اللى استفدتوه منه سواء درس اتعلمتوه او غيره مش شرط اللى احنا عاوزينه ومتوقعينه هو اللى يتنف>
كلمة كنت قولتها لايمان قبل كدة حاولوا تحولوا المحن لمنح .... مافيش ابسط من كدة بجد ربنا معاكوا دايما وكل سنة وانتوا بخير وطيبين وتحققوا كل اللى بتتمنوه
الحمد لله ان طول كلامك ريحك شوية ودفعتك بتحبك اكتر ياجميل
@ نور القلب
ايمان ركزى واهدى وبلاش تتعبى اعصابك اكتر من كدة وان شاء الله تكون ايامك الجاية احسن وتستفيدى منها اكتر وربنا معاكى ويوفقك دايما ... وكل سنة وانتى طيبة ياجميل ^_^
@ hager
مايك؟ مايك ايه اللى بتتكلمى عنه ده يابنتى ... الموضوع موضوعك تعملى فيه اللى انتى عاوزاه ولا حد يقدر يكلمك ههههههه .... الحمد لله انه كان يوم سعيد عليكى ياقمر وعقبال بقيت الايام ان شاء الله ........ وكل سنة وانتى طيبة يابنتوتة ياعسل انتى هههههه
@ wild flower
اهلا بااجمل وردة برية فى الدفعة نورتى موضوعى يامنار ...... الدفعتين محظوظين بوجود بنوتة عسل زيك فى وسطهم ياجميل
بس طبعا احنا اكتر حظ منهم لانك ان شاء الله هاتكملى معانا لحد مانتخرج مع بعض ان شاء الله .... واحنا اسعد بوجودك معانا بجد وان شاء الله ربنا معانا ويوفقنا ... وكل سنة وانتى طيبة ياجميل
إرسال تعليق